Don't Miss!
- News ఎమ్మెల్యే రాజా సింగ్ పై కేసు నమోదు
- Sports PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! వీడియో
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
ఇంకో తమిళ సూపర్ హిట్ తెలుగులో రిలీజ్ కు రెడీ
హైదరాబాద్ : ఏఆర్ మురుగదాస్, విజయ్ కాంబినేషన్లో తెరకెక్కిన రెండో చిత్రం 'కత్తి'. విజయ్తో సమంత తొలిసారిగా జతకట్టింది. అనిరుధ్ సంగీతం సమకూర్చారు. ఈ చిత్రం తమిళ వెర్ సూపర్ హిట్ అవటంతో ఇప్పుడు తెలుగు వెర్షన్ ని విడుదల చేయటానికి సన్నాహాలు చేస్తున్నారు. మార్చి మొదటి వారంలో ఈ చిత్రాన్ని విడుదల చేస్తారని తెలుస్తతంది. రీసెంట్ గానే ఈ చిత్రం సెన్సార్ ఫార్మలటీస్ పూర్తి చేసుకుంది. U/A సర్టిఫికేట్ ఇవ్వటం జరిగింది.
ఇక మురుగదాస్ కథలన్నీ విభిన్నంగా ఉంటాయి. షార్ట్ టర్మ్ మొమొరీ లాస్ అనే కథాంశంతో 'గజిని' తీర్చిదిద్దారు. 'రమణ', 'సెవెన్త్సెన్స్', 'తుపాకీ' కూడా సాధారణ సినిమాలకు విభిన్నంగా సాగేవే. అందుకే మురుగదాస్ సినిమా వస్తోందంటే అందరిలోనూ ఆసక్తి. ఇప్పుడాయన 'కత్తి' పదును చూపించారు. విజయ్, సమంత జంటగా నటించిన చిత్రమిది. కె.కరుణామూర్తి, ఎ.శుభాస్కరన్ సంయుక్తంగా నిర్మించారు.
అనిరుథ్ స్వరాలు అందించారు. చిత్ర సమర్పకుడు ఠాగూర్ మధు మాట్లాడుతూ ''థ్రిల్లర్ నేపథ్యంలో సాగే యాక్షన్ చిత్రమిది. సెంటిమెంట్కీ చోటుంది. అనిరుథ్ స్వరాలు అదనపు ఆకర్షణ. త్వరలోనే చిత్రాన్ని ప్రేక్షకుల ముందుకు తీసుకొస్తామ''న్నారు.
సౌత్ ఇండియన్ టాలెంటెడ్ డైరెక్టర్స్ లో ఒకరైన ఎఆర్ మురుగదాస్ ప్రస్తుతం తమిళ స్టార్ హీరో ఇలయతలపతి విజయ్ హీరోగా తెరకెక్కించిన సినిమా ‘కత్తి'. ఇప్పటికే తమిళంలో విడుదలై పెద్ద హిట్ అయ్యింది. ఈ సినిమాని తెలుగులో కూడా అదే పేరుతో డబ్ చేసి ఠాగూర్ మధు రిలీజ్ చేయనున్నట్లు ఇదివరకే తెలియజేశాం.
విజయ్ ద్విపాత్రాభినయం చేసిన ఈ చిత్రంలో వేరియేషన్స్ ప్రేక్షకులను ఆకట్టుకున్నాయి. ‘తుపాకీ' సినిమా మంచి విజయం సాధించడంతో విజయ్ కు తెలుగులో సైతం మంచి మార్కెట్ ఏర్పడింది
ఈ సినిమాపై తెలుగులో ఇప్పుడు భారీ అంచనాలు నెలకొన్నాయి. ప్రచారం సరిగ్గా సాగితే మంచి విజయం సాధించే అవకాశం పుష్కలంగా వుంది. విజయ్ సరసన సమంత హీరోయిన్ గా నటిస్తున్న ఈ సినిమాకి కొలవెరి డీ ఫేం అనిరుధ్ రవిచంద్రన్ మ్యూజిక్ అందించాడు. గతంలో మురుగదాస్ - విజయ్ కాంబినేషన్ లో వచ్చిన ‘తుపాకి' కి సినిమా ఆపేద్ద హిట్ అవ్వడంతో ఈ సినిమా కూడా బాగుంటుందని ఆశిస్తున్నారు.