ఐష్ కన్నా కత్రినా నే క్రేజ్

By Staff

Published: Friday, March 13, 2026, 3:26 [IST]

రోజులన్ని ఒకేలా ఉండవు. అలాగే అన్ని రోజులూ ఒకరివే కావు. ఇవి ఐష్ ఇప్పుడు గుర్తు చేసుకోవాల్సిన పాఠాలు. ఒకప్పుడు మాజీ ప్రపంచసుందరి ఐశ్వర్యారాయ్‌ అంటే నెటిజన్లు విపరీతమైన ఆసక్తి చూపించేవారు. ఆమె ఫోటో ఎక్కడ కనిపించినా ఆసక్తిగా దాని డౌన్‌లోడ్ చేసుకునేవారు. కాని ఇప్పుడు సీను మారింది. ఆమె ప్లేసులోకి కత్రినాకైఫ్‌ వచ్చి చేరింది. నెట్‌లో ఎక్కడైన సరే కత్రినా ఫోటో కన్పిస్తే చాలు నెటిజన్లు ఆ ఫోటోపై తమ మౌస్‌ని క్లిక్‌మనిపిస్తున్నారట. నెటిజన్లు ఐశ్వర్యకన్నా కత్రినా ఫోటోలంటేనే ఎగబడుతున్నారట. దీంతో ఇంటర్నెట్‌లో ఎక్కువ హిట్స్ పడుతున్న హీరోయిన్‌గా కత్రినా పేరు సంపాదించింది.

అయితే ఈ వార్త ఐశ్వర్యను బాధపెడుతుందో లేదో గాని సల్మాన్‌ మాత్రం ఎగిరిగంతేస్తున్నాడట. ఎందుకు అంటే... కత్రినాకు క్రేజ్ పెరిగిందన్న విషయం కన్నా తన మాజీ ప్రేయసి అయిన ఐశ్వర్యకు క్రేజ్ తగ్గడమే సల్మాన్‌ను ఎక్కువ ఆనందపరుస్తుందట. అప్పట్లో ఐశ్వర్య తనను వదిలేసినందుకు సల్మాన్ చాలా బాధపడ్డాడట. అందుకే ఐశ్వర్యమీద కోపంలో ఉన్న సల్మాన్‌కు ఈ విషయం ఆనందం కలిగిస్తోందట. అందుకే అంటారేమో ఒకరికి మోదం మరొకరికి వినోదం అని.అయినా సల్లు భాయ్ లక్కీ . ఐష్ అయినా కత్రినా అయినా అతని గర్ల్ ప్రెండ్సే కదా ...వాళ్ళే ఎప్పుడూ క్రేజ్.

More from Filmibeat