ప్రభాస్‌, అనుష్కను విడగొట్టారు.. రిజెక్ట్ చేసిన హీరోయిన్‌ కోసం వెంటపడుతున్నారు..

అనూహ్యంగా తెరపైకి అనుష్క

గతంలో శద్ధ్రాకపూర్, దిశాపటానీ, సోనమ్ కపూర్ తదితరులతో సంప్రదింపులు జరిపారు. ఓ దశలో కత్రినా కైఫ్ ఎంపిక ఖరారు అయినట్టు వార్తలు వెలువడ్డాయి. ఆ తర్వాత అనుష్క పేరు అనూహ్యంగా తెరపైకి వచ్చింది. ఇటీవల అనుష్క సాహో టీమ్‌తో జత కలువనున్నదనే వార్త కూడా ప్రచారమైంది.

Recommended Video

Baahubali Prabhas to romance Katrina Kaif in Saaho

అనుష్క, ప్రభాస్ కెమిస్ట్రీ కోసం..

గతంలో ప్రభాస్, అనుష్క నటించిన చిత్రాలకు భారీ విజయాన్ని సాధించాయి. బిల్లా, మిర్చి, బాహుబలి చిత్రాల్లో వారిద్దరి కెమిస్ట్రీ అద్భుతంగా వర్కవుట్ అయింది. దాంతో మరోసారి సాహో చిత్రంలో అలాంటి మ్యాజిక్‌ను రిపీట్ చేయాలని నిర్మాతలు భావించారు. అందుకే అనుష్క వైపు మొగ్గు చూపించారు.

పరిగణనలోకి కత్రినా కైప్

సాహోలో హీరోయిన్ ఎంపికపైగానీ, అనుష్క తొలగింపు వార్తలపై గానీ చిత్ర నిర్వాహకులు పెదవి విప్పలేదు. తాజాగా అనుష్కను తొలగించిన తర్వాత ప్రస్తుతం కత్రినా కైఫ్ పేరు తెరమీదకు వచ్చింది. ఇటీవల కత్రినాను చిత్ర నిర్మాతలు సంప్రదించారనే విషయం మీడియాలో నానుతున్నది.

ప్రభాస్‌ను రిజెక్ట్ చేసిన కత్రినా

గతంలో సాహో చిత్ర నిర్మాతలు కత్రినాను సంప్రదించగా ప్రభాస్‌తో నటించేందుకు నిరాకరించిందట. ఆమె అలా నిరాకరించడం వెనుక బలమైన కారణం ఉంది. సాహో కోసం కత్రినా కలిసినప్పుడు ప్రభాస్ నటించిన బాహుబలి2 చిత్రం రిలీజ్ కాలేదు. బాహుబలి2 రిలీజ్ తర్వాత ప్రభాస్ క్రేజ్ ఏంటో దేశవ్యాప్తంగా తెలిసింది. మారిన పరిస్థితుల తర్వాత ప్రస్తుతం ప్రభాస్ పక్కన నటించేందుకు కత్రినా ఓకే చెప్పినట్టు తెలుస్తున్నది.

చిత్ర యూనిట్ స్పందిస్తే గానీ

సాహో చిత్రంలో నటించేందుకు కత్రినా నిజంగానే గ్రీన్ సిగ్నల్ ఇచ్చిందా? మీడియాలో వచ్చే వార్తలన్నీ గాలి కబుర్లేనా అనే విషయంపై క్లారిటీ లేదు. సాహో చిత్రం నుంచి అనుష్కను నిజంగానే తప్పించారా అనే విషయంపై నిర్మాతలు అధికారికంగా ప్రకటించలేదు. ఆ గాసిప్స్‌కు తెరదించాలంటే సాహో చిత్ర యూనిట్ పెదవి విప్పితే గానీ అసలు విషయం తెలీదు.