నాకు పెళ్లైంది.. ఆ సమయం వస్తే కెరీర్ వెనుకబాటే?: కత్రినా సంచలన కామెంట్స్

పెళ్లి.. పిల్లలు.. కెరీర్..:

ఒక స్టేజ్ వచ్చాక.. జీవితంలో పెళ్లి చేసుకుని పిల్లల్ని కనాల్సిన సందర్భం వస్తుంది. ఆ సమయంలో కెరీర్‌ వెనుకబడిపోతుంది. ఎందుకంటే ఆ సమయంలో మనం కుటుంబానికే ప్రాధాన్యం ఇస్తాం. జీవితం మిక్స్‌ అండ్‌ మ్యాచ్‌లా ఉంటుంది.

Recommended Video

మరీ ఇంత హాట్ గానా ? మాల్దీవుల్లో ప్రేమ జంట రచ్చ !

వివాహమైందనే భావిస్తున్నా..:

పెళ్లి విషయానికొస్తే.. నేనిప్పటికీ నాకు వివాహమైందనే భావిస్తాను. ఎందుకంటే ప్రస్తుతం నాకు సినిమాలే జీవితం. జీవితంలో పెళ్లి అనేది ఓ భాగం కావాలి. అంతేకానీ వచ్చే వ్యక్తి కోసం మనల్ని మనం కోల్పోకూడదు.

కెరీరే ముఖ్యం..:

హీరో రణ్‌బీర్‌-కత్రినాకు మధ్య కొన్నాళ్లు ప్రేమ వ్యవహారం నడిచిన సంగతి తెలిసిందే. రెండేళ్ల క్రితం వీరిద్దరు బ్రేకప్ చెప్పేశారు. పెళ్లి గురించి అడిగితే.. ఇప్పటికైతే ఆ ఆలోచన లేదని, తనకు కెరీరే ముఖ్యమని కత్రినా చెబుతున్నారు.

టైగర్ జిందా హై:

సల్మాన్ ఖాన్-కత్రినా కైఫ్ కాంబినేషన్‌లో వచ్చిన 'టైగర్ జిందా హై' బాక్సాఫీసు రికార్డులు తిరగరాస్తోంది. ఇప్పటికే రూ.300కోట్ల పైచిలుకు కలెక్షన్స్ ఈ సినిమా కొల్లగొట్టింది. గతంలో సల్మాన్ నటించిన భజరంగీ భైజాన్ రూ.320.34 కోట్లు, సుల్తాన్ రూ.300.45 కోట్లను ఈ సినిమా అధిగమించేలా ఉంది.