ముదురు హీరోలకు ఆమె నై

తన ప్రక్కన కుర్ర హీరోలయితేనే సంప్రదించాలంటూ కత్రినా కైఫ్ కండీషన్స్ పెడుతోంది. ముదరు, ముసలి హీరోలకు తనతో నటించే ఛాన్స్ లేదని, ఇన్నాళ్ళూ పరిశ్రమలో నిలదొక్కుకోవాలి కాబట్టి అటువంటివి పట్టించుకోలేదని ఆమె స్పష్టం చేసింది. అయితే ఈ సెటైర్స్ ఎవిరిమీద..అంటూ అందరూ ఆలోచనలో పడ్డారు. సల్మాన్ ఖాన్ తో వచ్చిన విభేధాల ఫలితమా అని కొందరంటున్నారు. అతన్నే ముసలి, ముదురు అంటోందని మరికొందరు వయస్సు మళ్ళు తున్న హీరోలు భుజాలు తడుముకుని సర్ధి చెప్పుకున్నారు.

ఇక ఈ టాపిక్ అంతా ఇటీవల 'ధూమ్‌" చిత్ర దర్శకుడు సంజయ్‌ దగ్గర వచ్చింది. అతను ఆ మధ్య 'కిడ్నాప్' అనే సినిమా తీసి చేతులు కాల్చుకున్నాడు. తదుపరి చిత్రం అలాకాకుడదని తను చెయ్యబోయే సస్పెన్స్‌ థ్రిల్లర్‌ సినిమాలో హీరోయిన్‌గా కత్రినా అయితే బాగుంటుందని భావించి ఆమెను సంప్రదించగా 'నేను యంగ్‌ హీరోలతోనే చెయ్యాలనుకుంటున్నాను హీరో ఎవరు?" అని ప్రశ్నించిందట. 'ఇమ్రాన్‌ హస్మి' అనే సరికి అయితే 'ఓకె" అందట. ఏదైమైనా తనను కలిసిన నిర్మాతలను 'హీరో ఎవరు?"అంటూ ఆరా తీసి మరీ కాల్షీట్లు ఇస్తోందట.