హోమ్

న్యూస్

ముంబై: బాలీవుడ్ సుందరాంగి కత్రినా కైఫ్, రణబీర్ కపూర్‌ గత కొద్దికాలంగా ప్రేమాయణం నడుపుతున్నారని, త్వరలో వీరిద్దరి చేసుకుంటారని పుకార్లు షికార్లు చేస్తూ వచ్చాయి. అయితే తాజాగా కత్రినా ఓ ప్రకటన చేసి ఆ పుకార్లకు బ్రేకులు వేయసింది.

గతంలో కత్రినా కైఫ్ సల్మాన్‌ ఖాన్‌తో ప్రేమాయణం నడిపింది. అది పెళ్లి వరకు వచ్చి ఆగిపోయింది. అయితే అకస్మాత్తుగా సల్మాన్‌కు సలాం కొట్టేసి దూరం జరిగింది. ఆ తర్వాత బాలీవుడ్ బాయ్ రణబీర్ కపూర్‌‌తో కత్రినా పీకల్లోతు ప్రేమలో కూరుకుపోయింది. వీరిద్దరూ స్పెయిన్ బీచ్‌లో ఎంజాయ్ చేస్తూ మీడియా కెమెరాలకి చిక్కారు. ఆ ఫొటోలు తీవ్ర దుమారం రేపాయి. వారిద్దరు పెళ్లి చేసుకోవడమే మిగిలిందంటూ ప్రచారం ప్రారంభమైంది.

కత్రినా కైఫ్

అయితే అకస్మాత్తుగా కత్రినా రణబీర్‌కు దిమ్మతిరిగే షాక్ ఇచ్చింది. ధూమ్ 3 ప్రమోషన్‌లో భాగంగా మీడియాతో ముచ్చటిస్తూ ఆ అమ్మడు -తాను రణబీర్‌ని పెళ్లి చేసుకోబోవడం లేదంటూ చెప్పేసింది.

అంతేకాదు, రణ్‌బీర్‌ పెళ్లిలో 'బేషరం' సాంగ్‌కి డ్యాన్స్ కూడా చేయాలని వుందని చెప్పింది. దాంతో కత్రినా కైఫ్, రణబీర్ మధ్య ఏం జరిగిందా అని బాలీవుడ్‌లో అందరూ జుట్టు పీక్కుంటున్నారట.