బాహుబలి ఆదేశించాడు.. కట్టప్ప పాటించాడు.. ఇంకేముంది రచ్చ రంబోలా..

మిర్చితో మొదలై బాహుబలితో

కొరటాల శివ రూపొందించిన మిర్చి చిత్రంతో సత్యరాజ్‌తో ప్రభాస్ బంధం మొదలైంది. ఆ తర్వాత బాహుబలితో వారి రిలేషన్ పీక్స్ చేరింది. కేవలం వారి రిలేషన్ వ్యక్తిగతం అనుకుంటే పొరపాటే. వృత్తిపరంగా కూడా వారి మధ్య మంచి సంబంధాలున్నట్టు స్పష్టమైంది.

క్షణం సినిమా గురించి

రెండేళ్ల క్రితం జరిగిన సంఘటనను కట్టప్ప సత్యరాజ్ మీడియాకు ఇటీవల వెల్లడించారు. బాహుబలి సినిమా షూటింగ్‌లో మేమంత బిజీగా ఉన్నాం. అప్పుడు నా కుమారుడు శిబిరాజ్ నాకు ఫోన్ చేసి తెలుగులో విజయం సాధించిన క్షణం గురించి చెప్పాడు. ఆ సినిమా గురించి ప్రభాస్‌ను అడిగితే మంచి రెస్పాన్స్ ఇచ్చాడు.

తమిళంలోకి క్షణం మూవీ

క్షణం సినిమాను తమిళంలో రీమేక్ చేయాలని అనుకొంటున్నాం. మీ అభిప్రాయం చెప్పండి అని ప్రభాస్‌ను అడిగాను. అందుకు ఆ సినిమా చాలా మంచి సినిమా మీరు తీసుకోండి. ఖచ్చితంగా విజయం సాధిస్తుంది. రీమేక్ చేస్తే ఎలాంటి ఇబ్బందులు ఉండవు అని ప్రభాస్ సలహా ఇచ్చాడు.

తమిళ క్షణం త్వరలో రిలీజ్

ప్రభాస్ సలహా, సూచనల మేరకు తాము క్షణం సినిమా హక్కులను కొనుగోలు చేశాం. తమిళ క్షణం సినిమా చాలా వచ్చింది. త్వరలోనే ఆ సినిమా రిలీజ్ కాబోతున్నది అని సత్యరాజ్ మీడియాకు తెలిపారు. ఈ సందర్భంగా తమిళ క్షణం సక్సెస్ సాధిస్తుందనే ధీమాను కట్టప్ప వ్యక్తం చేశాడు.