మంజుల సినిమాకు మోక్షం

మంజుల, ఛార్మీ ప్రధాన పాత్రల్లో రూపొందిన కావ్యాస్ డైరీ సినిమా జూన్ ఐదున రిలీజ్ కు రెడీ అవుతోంది.రకరకాల కారణాలతో ఈ చిత్రం రిలీజ్ లేటవుతూ వచ్చింది. ఇక హాలీవుడ్ హిట్ పోయిజన్ ఐవి అనే సినిమాకు ఫ్రీమేక్ గా ఈ చిత్రం తయారైందనే టాక్ ఉంది. మంజుల తన షో సినిమా అనంతరం ఇందిరా ప్రొడక్షన్స్ పై రూపొందిస్తున్న ఈ సినిమాపై చాలా అంచనాలే ఉన్నాయి. శ్యామ్ కె.దత్ ఛాయాగ్రహణం అందిస్తున్న ఈ సినిమాకు వి.కె.ప్రకాష్ డైరక్షన్ చేస్తుండగా..మను సంగతం అందిస్తున్నాడు. ఈ చిత్రంలో ఛార్మి, మంజుల లీడ్ రోల్స్ లో కనపడతారు. మంజుల భర్తని చంపటానికి, ఛార్మి ఆమె ఇంట్లో దిగుతుంది.

ఎందుకిలా అంటే మంజుల భర్త వల్ల ఛార్మి కుటుంబం దెబ్బతింటుంది. అలా ఛార్మి పగ తీర్చుకునే పాత్రలో కనిపించి మురిపించనున్నదని తెలుస్తోంది. ఇక వీరిద్దరకీ జంటగా ఇంద్రజిత్, శశాంక్ కనిపించనున్నారు. అయితే సినిమా పూర్తయి చాలా రోజులైనా రిలీజ్ కావటం లేదు. ఇప్పటికి మూడు సార్లు విడుదల వాయిదా పడింది. అలాగే ఈ చిత్రం షూటింగ్ సమయంలో ఛార్మికీ, మంజులకీ పడలేదని వార్తలు వచ్చాయి. ప్రతీ విషయంలోనూ ఛార్మి వేలు పెట్టేదని మంజుల కోపపడిందని చెప్పుకున్నారు. ఏదైమైనా ఈ ఇద్దరు అందచందాలు, అభినయం చూడాలంటే కొద్ది రోజులు ఆగాల్సిందే.