జయలలిత బయోపిక్.. కీర్తి సురేష్ క్లారిటీ ఇచ్చిందిగా!

సావిత్రి పాత్రలో కీర్తి సురేష్ అద్భుతంగా నటించింది అని వస్తున్న ప్రశంసల్ని పూర్తి ఆస్వాదించకముందే మరో ప్రచారం మొదలైపోయింది. మహానటి చిత్రం విడుదలై ఘనవిజయం సాధించింది. ఈ చిత్రానికి కాసుల వర్షం కురుస్తోంది. ఇదిలా ఉండగానే జయలలిత బయోపిక్ కు రంగం సిద్ధం అవుతోందంటూ ప్రచారం మొదలైపోయింది.

అక్కడితో ఆగకుండా కీర్తి సురేషే జయలలిత పాత్రలో నటించబోతోందంటూ ఊహాగానాలు మొదలు పెట్టారు. ఈ వార్తలపై కీర్తి సురేష్ స్పందించింది. మహానటి చిత్రం తరువాత తాను మరే చిత్రానికి సంతకం చేయలేదని తెలిపింది. దివంగత ముఖ్యమంత్రి జయలలిత జీవితాన్ని వెండి తెరపై ఆవిష్కరిస్తే బావుంటుందనే ఆలోచన చాలా మందిలో ఉంది.

జయలలిత ఓ ఇంటర్వ్యూలో తన బియోపిక్ చిత్రం గురించి మాట్లాడారు. తన పాత్రలో నటించడానికి ఐశ్వర్యారాయ్ సరిపోతుందని అమ్మ అప్పట్లో భిప్రాయపడింది. సావిత్రి బయోపిక్ గా వచ్చిన మహానటి చిత్రం ఘనవిజయం సాధించడంతో మరిన్ని బయోపిక్ తెరపైకి వచ్చే అవకాశం ఉంది.