హోమ్

న్యూస్

మహానటి, సర్కార్ చిత్రాలతో వరుస విజయాలను చేజిక్కించుకొన్న అందాల నటి కీర్తీ సురేష్ బాలీవుడ్‌లోకి అడుగుపెట్టింది. భారత ఫుట్‌బాల్ కోచ్ సయ్యద్ అబ్దుల్ రహీం జీవితం ఆధారంగా తెరకెక్కనున్న బయోపిక్‌లో కీర్తీ సురేష్ నటించనున్నది. ఈ చిత్రంలో టైటిల్ పాత్రను పోషిస్తున్న అజయ్ దేవగన్ భార్యగా కనిపించబోతున్నారు. ఈ చిత్రానికి బాదాయి హో దర్శకుడు అమిత్ శర్మ దర్శకత్వం వహిస్తున్నారు.

బాలీవుడ్ ఎంట్రీ గురించి కీర్తీ సురేష్ మీడియాతో మాట్లాడుతూ.. నా ఛాలెంజింగ్ పాత్రల్లో నటించడం అంటే నాకు చాలా ఇష్టం. భారతీయ చరిత్రలో సయ్యద్ అబ్దుల్ రహీం కథ మరుగున పడిన చాప్టర్. నన్ను ఈ సినిమాలో నటించమని అడిగిన చిత్ర నిర్మాతలకు రుణపడి ఉంటాను అని అన్నారు.

భారతీయ ఫుట్‌బాల్ క్రీడకు స్వర్ణయుగంగా మారిన సమయంలో జాతీయ ఫుట్ బాల్ జట్టుకు సయ్యద్ అబ్దుల్ రహీం కోచ్‌గా, మేనేజర్‌గా ఉన్నారు. ఆయన సారథ్యంలో భారత జట్టు అంతర్జాతీయ పోటీలలో సత్తా చాటింది. ఆయన జీవితంలో చోటుచేసుకొన్న ఒడిదుడుకులు, విజయాల కథా నేపథ్యంగా ఈ సినిమా తెరకెక్కుతున్నది.