తేజ తో తలపడ్డ చక్రీ?

By Staff

Published: Friday, March 13, 2026, 2:15 [IST]

కేక ఆడియో రిలీజ్ చేయనని...సినిమా రిలీజై జనాల్లో పాటలు నానితే అప్పుడు పరిస్ధితిని బట్టి చూస్తానన్న తేజ సెప్టెంబర్ 20న ఆడియో రిలీజ్ చేయటానికి ప్లాన్ చేస్తున్నాడని తెలుస్తోంది. అయితే ఈ సంఘటన వెనుక సంగీత దర్శకుడు చక్రీ హస్తం ఉందని తెలుస్తోంది. అతను పట్టుదలగా ఆడియో రిలీజ్ చెయ్యాలని అన్నట్లు సమాచారం. తన ప్రతీ సినిమా ఆడియా రిలీజ్ అవుతూ ఇప్పటివరకూ వచ్చిందని కేక ఆడియో రిలీజ్ అవుతుందో లేదో నన్న డైలమా తన కిష్టంలేదని ఖచ్చితంగా చెప్పినట్లు చెప్పుకుంటున్నారు.
అయితే ఇచ్చిన మాట నిలబెట్టుకోకపోవటం,అవసరానికి తగినట్లు నోటికొచ్చినట్లు మాట్లాడటం తేజాకి ఆనవాయితీనేనని కాబట్టి ఈ విషయంలో పెద్దగా ఆశ్చర్యపోవల్సింది కాదని పరిశ్రమ వ్యక్తులు కామెంట్ చేస్తున్నారు. ఇక తేజ ఈ సినిమాతో చాలా కాలం తర్వాత హిట్ కొట్టగలనని ఆశాభావంతో ఉన్నాడు. చిత్రం,నువ్వు-నేను ,జయం తరహాలో ఈ కేక చిత్రం కూడా టీనేజి లవ్ స్టోరీ అని తెలుస్తోంది. అలాగే కాస్త ఎక్కువ మోతాదులోనే రొమాంటిక్ సన్నివేశాలు చిత్రీకరించినట్లు యూనిట్ వర్గాల ద్వారా తెలుస్తోంది. ఇక అక్టోబర్ ఒకటిన రిలీజ్ కి ప్లాన్ చేస్తున్న ఈ చిత్రానికి కెమెరా పి.సి.శ్రీరామ్ అందించటం పెద్ద ప్లస్.

More from Filmibeat