"లక్ష్మీ పార్వతి దేవత అని ఎవరైనా అంటే సినిమా ఆపేస్తా"

లక్ష్మీస్ వీరగ్రంథం

‘లక్ష్మీస్ వీరగ్రంథం' సినిమా నవంబర్ 12న మొదలవుతుందని, ఎక్కువ భాగం షూటింగ్ పొన్నూరు, వినుకొండల్లో జరిపేందుకు ప్లాన్ చేస్తున్నామని తెలిపారు.

లక్ష్మీ పార్వతి దేవత అని ఎవరైనా చెబితే ఆపేస్తా

‘లక్ష్మీస్‌ వీరగ్రంధం' సినిమాపై అవసరమైతే ఓపెన్‌ బ్యాలెట్‌ పెట్టడానికి తాను సిద్ధమని, అందులో 10 శాతం మంది ప్రజలు లక్ష్మీ పార్వతి దేవత అని చెప్పినా సినిమా ఆపి ఆమె పాదాలకు వందనం చేస్తానని కేతిరెడ్డి తెలిపారు.

సినిమా కోసం వివరాల సేకరణ

సినిమాకు సంబంధించిన వివరాలు సేకరించడంలో భాగంగా నిర్మాత జి.విజయకుమార్‌గౌడ్‌, చిత్రబృందంతో కలిసి కేతిరెడ్డి జగదీశ్వరరెడ్డి గుంటూరు జిల్లాలో పర్యటిస్తున్నారు.

మొదటి భర్త వీరగంధం వెంకట సుబ్బారావు

లక్ష్మీపార్వతి మొదటి భర్త వీరగంధం వెంకట సుబ్బారావు బ్రతికున్నపుడు వినుకొండలో ‘వీరగంధం కళాకేంద్రం' నిర్మించారు. దాన్ని సందర్శించిన చిత్ర యూనిట్ అప్పటి వివరాలను గ్రామ పెద్దలను అడిగి తెలుసుకున్నారు. దీంతో పాటు వీరగంధం స్వగ్రామం ఈదర భీమవరంలోనూ పర్యటించారు.

లక్ష్మీపార్వతి స్వగ్రామం

లక్ష్మీపార్వతి స్వగ్రామం పచ్చలతాటిపర్రు, పొన్నూరు ప్రాంతాల్లో కూడా దర్శక నిర్మాతలు పర్యటించారు. ఆయా గ్రామాల్లోని పెద్ద మనుషులను ఆడిగి లక్ష్మిపార్వతి గురించిన వివరాలు తెలుసుకున్నారు.