బికినీ పాపలతో అల్లరి నరేష్ ‘కెవ్వుకేక’ బ్యాంకాక్(ఫోటోలు)

By Bojja Kumar

Published: Wednesday, February 20, 2013, 16:32 [IST]

హైదరాబద్: బ్లేడ్ బాబ్జీ వంటి విజయంతమైన చిత్రం తర్వాత అల్లరి నరేష్-దేవిప్రసాద్ కాంబినేషన్లో రూపొందుతున్న చిత్రం 'కెవ్వు కేక'. షర్మిల మాంద్రే కథానాయిక. జాహ్నవి ప్రొడక్షన్స్ పతాకంపై శ్రీమతి నీలిమ సమర్పణలో బొప్పన చంద్రశేఖర్ ఈ చిత్రాన్ని నిర్మిస్తున్నారు.

తాజాగా ఈ చిత్రం బ్యాంకాక్ షెడ్యూల్ పూర్తి చేసుకుంది. ఫిబ్రవరి 2 నుంచి 18 వరకు బ్యాంకాక్ లోని అందమైన ప్రదేశాల్లో కీలక సన్నివేశాలు, యాక్షన్ ఎపిసోడ్, ఒక పాటను చిత్రీకరించారు. ఈ రోజు నుంచి ఈ నెల 24 వరకు పొల్లాచ్చిలో ఓ పాట చిత్రీకరణ జరుపనున్నారు. మార్చి 3 నుంచి 15 వరకు హైదరాబాద్ లో జరిగే షూటింగుతో 90 శాతం షూటింగ్ పూర్తి చేయనున్నారు.

దర్శకుడు సినిమా గురించి వెల్లడిస్తూ 'నరేష్ పాత్ర వైవిద్యంగా ఉంటుంది. ప్రతి సన్నివేశం పూర్తి వినోదభరితంగా ఉంటుంది. తప్పకుండా నరేష్, నా కాంబినేషన్ మరో విజయవంతమైన చిత్రంగా ఇది నిలిచిపోతుందనే నమ్మకం ఉంది' అన్నారు. అల్లరి నరేష్ సినిమాల నుంచి ప్రేక్షకులు కోరుకునే అన్ని అంశాలు ఈచిత్రంలో ఉంటాయన్నారు.

నరేష్, షర్మిల మాంద్రే, ధర్మ వరపు సుబ్రహ్మణ్యం, ఎమ్మెస్ నారాయణ, అలీ తదితరులు ముఖ్య పాత్రల్లో నటిస్తున్న ఈచిత్రానికి కథ: దేవిప్రసాద్, వేగేశ్న సతీష్, మాటలు: వేగేశ్న సతీష్, కెమెరా: అడుసుమిల్లి విజయ్ కుమార్, సంగీతం: చిన్ని చరణ్, భీమ్స్, ఎడిటర్: నందమూరి హరి, నిర్మాణ నిర్వహణ: వల్లూరిపల్లి వెంకటేశ్వరరావు, సమర్పణ: శ్రీమతి నీలిమ, స్క్రీన్ ప్లే-దర్శకత్వం: దేవి ప్రసాద్.