ఆ సినిమా హిందీలోనా?

By Staff

Published: Tuesday, June 2, 2009, 12:39 [IST]

సిద్దార్ధ, తమన్నా జంటగా కిషోర్ కుమార్ అనే నూతన దర్శకుడుని పరిచయం చేస్తూ వచ్చిన కొంచెం ఇష్టం..కొంచెం కష్టం సినిమా ఇప్పుడు హిందీలో రీమేక్ కానుంది. ఈ చిత్రం చూసిన రాజశ్రీ ప్రొడక్షన్స్ వారు నల్లమలుపు బుజ్జి ని కలిసి ఈ మేరకు ఎగ్రిమెంట్ కుదుర్చుకుంది. అయితే ఆ చిత్రం నిర్మాణంలోనూ బుజ్జి పార్టనర్ గా వ్యవహించనున్నారు. అయితే ఈ స్క్రిప్టులో కొన్ని మార్పులు చేయనున్నట్లు సమాచారం. ఇక హిందీలో ఈ చిత్రం కోసం తారాగణం ఎంపిక చేయటానికి సన్నాహాలు చేస్తున్నారు.

పూర్తి స్దాయి ఫ్యామిలీ ఎంటర్టైనర్ గా ఈ చిత్రాన్ని రెడీ చేయనున్నట్లు రాజశ్రీ అధినేతలు చెప్తున్నారు. అలాగే ఈ చిత్రానికి సంగీతం అందించిన హింది మ్యూజిక్ డైరక్టర్స్ ద్వారా ఈ చిత్రం కథ విషయం తెలుసుకుని వారు ముందుకు వచ్చినట్లు సమాచారం. అలాగే హిందీలో హీరో, హోరోయిన్స్ గా ఎవరు ఈ చిత్రం చేసే అవకాశముంటుందనేదే ఇప్పుడు ఆసక్తికర అంశం. అయితే తెలుగులోనే బిలో యావరేజ్ టాక్ తెచ్చుకున్న ఈ సినిమాను రీమేక్ చేయటానికి తీసుకోవటంపై చాలా మంది ఆశ్చర్యం వ్యక్తం చేస్తున్నారు.

More from Filmibeat