'కింగ్'కి బ్లాక్ మెయిల్ కాల్స్

By Staff

Published: Monday, December 29, 2008, 11:57 [IST]

నాగార్జున,త్రిష కాంబినేషన్ లో శ్రీను వైట్ల రూపొందించిన కింగ్ సినిమా క్రిస్మస్ రోజు రిలీజైంది. ఈ సినిమాను పైరసీ చేస్తామని బ్లాక్ మెయిల్ కాల్స్ వస్తున్నాయని నిర్మాత డి.శివప్రసాద్‌రెడ్డి వాపోతున్నారు. ఆయన మీడియాతో మాట్లాడుతూ 10 లక్షలు ఇస్తే వారం రోజులపాటు పైరసీ సి.డి. రాకుండా ఆపుతామని చెన్నై నుంచి మాకు ఫోన్లు వస్తున్నాయి. వారానికి పది లక్షల చొప్పున ఇస్తే పైరసీ రాకుండా చేస్తామని బ్లాక్‌మెయిల్‌ చేస్తున్నారు.

సినిమా సూపర్‌హిట్‌ అయిన టైమ్‌లో ఇలాంటి కాల్స్‌ రావడం చాలా బాధ కలిగిస్తోంది. ఇన్ని కోట్లు ఖర్చు పెట్టి సూపర్‌హిట్‌ సినిమా తీసిన నిర్మాతలు పైరసీదారులు ఇలా టెన్షన్‌ పెట్టడం సమంజసం కాదు. పైరసీ విషయంలో చిత్ర పరిశ్రమ, ప్రభుత్వం కలసి కఠిన నిర్ణయాలు తీసుకోవలసిన అవసరం ఉంది. 'కింగ్‌' చిత్రం పైరసీ జరగకుండా జాగ్రత్తలు తీసుకోవాలని ఈ సందర్భంగా నాగార్జున అభిమానులకు విజ్ఞప్తి చేస్తున్నాను అంటున్నారు.

More from Filmibeat