'కింగ్‌'గురించి..

By Staff

Published: Tuesday, December 23, 2008, 12:22 [IST]

సాధారణంగా 'కింగ్' అనే పేరు వినగానే ఓ హోదా అనుకుంటాం. కానీ ఇందులో అతనికి ఎన్నో బాధ్యతలు. వాటిని ఎలా నెరవేర్చాడనేదే కథ అంటున్నారు దర్శకుడు శ్రీను వైట్ల..కింగ్ రిలీజ్ ని పురస్కరించుకుని. ఢీ, రెఢీ' వంటి సూపర్‌ డూపర్‌ హిట్‌‌ సినిమాల తరువాత శ్రీనువైట్ల రూపొందించిన కింగ్ చిత్రం ఈ నెల 25న విడుదల కాబోతుంది. హీరోయిజాన్ని చూపించడంలోనూ, కామెడీ పండించడంలోనూ శ్రీనువైట్లది అందెవేసిన చెయ్యి కావటంతో ఈ చిత్రంపై మంచి అంచనాలే ఉన్నాయి. హలో బ్రదర్,శివ చిత్రాలు కలిపి తీస్తే ఎట్లా ఉంటుందో అట్లా ఉంటుందని శ్రీను వైట్ల చెప్పటం జరిగింది.

ఇక ఈ సినిమాలో త్రిష హీరోయిన్‌ అనే సరికి అంచనాలు మరింత పెరిగాయి. ఇన్ని అంచనాల నడుమ వస్తున్న ఈ సినిమాని అత్యంత సన్నిహితుడు డి.శివప్రసాద్‌రెడ్డి తమ శ్రీకామాక్షి కళా మూవీస్‌ పతాకంపై నిర్మించారు.ఈ సినిమా గురించి శ్రీనువైట్ల మాట్లాడుతూ ...ఇందులో అభిమానులందరూ ఓ కొత్త నాగ్‌ని చూస్తారు. ఎందుకంటే ఆయనలో ఓ క్లాస్‌ హీరో ఉన్నాడు. ఓ మాస్‌ హీరో ఉన్నాడు. రాజఠీవీ వొలికించే హీరో ఆయన. ఈ మూడు కోణాల్ని ఈ చిత్రంలో ఆవిష్కరించాం. త్రిష. మమత పాత్రకూ ప్రాముఖ్యం ఉంది. అవే కాదు. ఇందులో కనిపించే ప్రతి పాత్రా ముఖ్యమైనదే. ముఖ్యంగా శ్రీహరి పోషించిన జ్ఞానేశ్వర్‌ పాత్ర. 'ఢీ'లో మాదిరే కలకాలం గుర్తుండిపోతుంది.

More from Filmibeat