ప్రముఖ హాస్యనటుడికి సీరియస్.. కెనడాకు తరలింపు

ఖాదర్ ఖాన్ ఆరోగ్యంపై స్పందించిన శక్తికపూర్

ఖాదర్ ఖాన్ అనారోగ్యంపై ప్రముఖ నటుడు, శ్రద్ధా కపూర్ తండ్రి శక్తికపూర్ స్పందించారు. ఖాదర్ ఖాన్ వీల్ చైర్‌కే పరిమితమయ్యారని తెలిసి చాలా బాధపడ్డాను. ఆయనతో మాట్లాడానికి చాలా రోజులుగా ప్రయత్నిస్తున్నాను. ఆయన ఫోన్ నంబర్ లభించడం లేదు. మరో రెండు రోజుల్లో ఖాదర్ ఖాన్‌తో మాట్లాడుతాను అని ఆయన అన్నారు.

చికిత్స కోసం కెనడాకు తరలింపు

ఖాదర్ ఖాన్ కుమారుడు కెనడాలో నివసిస్తున్నారని, అందుకే ఆయనను అక్కడికి తీసుకెళ్లి ఉంటారమోననే అనుమానాన్ని శక్తి కపూర్ వ్యక్తం చేశారు. ఆయనకు మోకాలి నొప్పి ఉందని, అందుకోసం చేసిన సర్జరీ వికటించింది అని ఆయన తెలిపారు.

2015లో ఓ హిందీ చిత్రం ఆడియో ఆవిష్కరణలో ఖాదర్ కనిపించారు

2015లో ఓ హిందీ చిత్రం ఆడియో ఆవిష్కరణలో ఖాదర్ కనిపించారు. ఆ తర్వాత చిత్రాల్లో నటించలేదు. కొందరు నిర్మాతలు సంప్రదించినా ఆరోగ్యం సహకరించడం లేదని సినిమాలను ఖాదర్ ఖాన్ నిరాకరించారు.

ఆరోగ్యం సహకరించడం లేదని సినిమాలు..

2015లో మోకాలి నొప్పి, మధుమేహ వ్యాధితో బాధపడుతూ ఖాదర్ ఖాన్ హరిద్వార్‌లోని బాబా రాందేవ్ ఆశ్రమంలో చేరారు. అయినా ఆయన ఆరోగ్య పరిస్థితిలో గణనీయమైన మార్పేమి కనిపించలేదు. దాంతో ఇటీవల ముంబైలోని ఓ ఆస్పత్రిలో సర్జరీ నిర్వహించారు.