హోమ్

న్యూస్

పవన్ కళ్యాణ్ పాత్ర పేరుకి తగ్గట్టే పులిలా ఉంటుంది. ఆయన పాత్ర, నటన, కథ తప్పకుండా కొత్త చరిత్రను సృష్టిస్తాయని చెప్పగలను. ప్రేక్షకుల అంచనాలకు తగ్గ విధంగా తీర్చిదిద్దుతున్నానని పులి చిత్ర దర్శకుడు ఎస్.జె.సూర్య అన్నారు.ఆయన ఈ చిత్ర విశేషాలు తెలపటానికి మీడియా సమావేశం ఏర్పాటు చేసారు. ఈ సందర్భంగా మాట్లాడుతూ...'ఖుషి' లాంటి సూపర్‌హిట్‌ తర్వాత మా ఇద్దరి కలయికలో వస్తున్న చిత్రమిది. అభిమానులు, ప్రేక్షకులు పవన్‌ నుంచి ఎక్స్‌పెక్ట్‌ చేసే అన్ని అంశాలు ఇందులో వుంటాయి. 'కొమరం పులి'గా ఆయన పాత్ర ఎంతో పవర్‌ఫుల్‌గా వుంటుంది' అన్నారు.

నిర్మాత మాట్లాడుతూ...-"బ్యాలెన్స్‌ సాంగ్‌ను ఈ నెల 25 నుంచి చిత్రీకరిస్తాం. 'కొమరం పులి'గా పవన్‌ నటన చిత్రానికి మెయిన్‌ హైలైట్‌. ఈ కథ విన్న ఆస్కార్‌ విజేత సంగీత దర్శకుడు ఎఆర్ ‌రెహమాన్‌ ఎంతో ఇన్‌స్పైర్‌ అయ్యి అద్భుతమైన సంగీతాన్ని అందించాడు. ప్రస్తుతం ఆయన రీ-రికార్డింగ్‌ని లండన్‌లో చేస్తున్నాడు. పూర్తి వాణిజ్య అంశాలతో, అత్యున్నత సాంకేతిక నిపుణులతో నిర్మాణం జరుపుకుంటోన్న ఈ సినిమా తప్పకుండా తెలుగు సినిమా స్టాండర్స్‌ని పెంచే విధంగా వుంటుంది అన్నారు. నికీషా పటేల్‌ నాయికగా నటిస్తున్న ఈ చిత్రంలో మనోజ్‌ బాజ్‌ పాయ్‌, నాజర్‌, చరణ్‌ రాజ్‌, అలీ, బ్రహ్మాజి, జ్యోతికృష్ణ తదితరులు ముఖ్యపాత్రలు చేస్తున్నారు. ఈ చిత్రానికి ఫొటోగ్రఫీ: బినోద్‌ కె.ప్రధాన్‌, ఆర్ట్‌: ఆనంద్‌సాయి, సమర్పణ: సత్యరామమూర్తి.