'కొత్త బంగారులోకం' క్లైమాక్స్ ట్విస్ట్?

By Staff

| Published: Monday, September 29, 2008, 17:14 [IST]

ఇప్పుడు యూత్ లో హాట్ టాపిక్ 'కొత్త బంగారు లోకం' సినిమా అన్న సంగతి తెలిసిందే. హ్యాపీడేస్ తరహా ప్రోమో లతో వస్తున్న ఈ సినిమాపై నిర్మాత దిల్ రాజుకే కాక ట్రేడ్ లోనూ చాలా అంచనాలు ఉన్నాయి. అయితే క్లైమాక్స్ పట్టితేనే బయ్యర్లు పాలిట ఈ సినిమా బంగారంగా మారుతుందని కొందరు అంటున్నారు. ఫిల్మ్ నగర్ సమాచారం ప్రకారం ఈ చిత్రం కథనం బాలీవుడ్ సూపర్ హిట్ హమ్...తుమ్ తరహా స్క్రీన్ ప్లేతో సాగుతుందిట.

హీరో ...హీరోయిన్స్ ఇద్దరూ మొదట టెన్త్ క్లాస్ లో లవ్ లో పడటం- విడిపోవటం,తర్వాత ఇంటర్ లోనూ అంతే...తర్వాత చదువులు పూర్తయ్యాదాకా ఆ ప్రేమ వివిధ దశల్లో కలుస్తూ ..విడిపోతుందిట. అయితే చివరకు హీరో దాదాపు ఐదేళ్ళ తర్వాత లైఫ్ లో సెటిల్ అయిన తర్వాత మ్యారేజ్ ప్రపోజల్ పెడదామనుకుని వచ్చేసరికి ఆమె అప్పటికే పెళ్ళయి ఉంటుందని తెలుస్తోంది. హీరో మాత్రం ప్రేమ కోసం అలా మిగిలిపోతాడుట.

ఈ నెగిటివ్ క్లైమాక్స్ వర్కవుట్ అవటం ప్రేక్షకులు రిసీవ్ చేసుకునే దాన్ని బట్టి ఉంటుందని అది నచ్చితేనే సినిమా సూపర్ హిట్టయ్యే అవకాశాలు ఉన్నాయని చెప్పుకుంటున్నారు. ఇది వాస్తవమా కాదా అన్నది తెలియాలంటే దసరా రోజు దాకా ఆగాల్సిందే. ఎందుకంటే ఆ రోజే రిలీజ్ కాబట్టి.