For Quick Alerts
    ALLOW NOTIFICATIONS  
    For Daily Alerts

    సుమ పంచ్‌లకు తట్టుకోలేకపోయాడు.. ఎందుకు పిలిచారంటూ అవినాష్ అసహనం!!

    |

    యాంకర్ సుమ ప్రీ రిలీజ్ ఈవెంట్లలో చేసే రచ్చ అంతా ఇంతా కాదు. స్టార్ హీరో అయినా సరే సుమ సెటైర్లు వేస్తూ ఉంటుంది. ప్రీ రిలీజ్ ఈవెంట్లు లేక, అలా వేదికపై సుమ వేసే పంచ్‌లు చూడక చాలా రోజులే అయింది. అయితే నిన్నటి క్రాక్ ప్రీ రిలీజ్ ఈవెంట్‌లో సుమ ఈజ్ బ్యాక్ అనేలా రచ్చ చేసింది. అందరినీ ఓ ఆట ఆడుకుంది. మరీ ముఖ్యంగా అవినాష్‌ను ఓ రేంజ్‌లో ఆడుకుంది. చివరకు స్టేజ్ మీద ఏం మాట్లాడాలో మాట్లాడకూడదో కూడా కౌంటర్లు వేసింది.

    చిన్న క్యారెక్టర్..

    చిన్న క్యారెక్టర్..

    క్రాక్ సినిమాలో అవినాష్ చిన్న పాత్రను పోషించాడట. ఇదే విషయాన్ని చెబుతూ దర్శకుడికి సారీ కూడా చెప్పేశాడు. స్టేజ్ మీదకు వచ్చి మాట్లాడవలసిందిగా అవినాష్‌ను సుమ ఆహ్వానించింది. ఈ ఆహ్వానించే క్రమంలో సుమ అవినాష్ ముక్కు మీద కామెంట్ చేసింది. ఇక్కడున్న గాలిని మొత్తం పీల్చేసుకుంటున్నాడని కౌంటర్లు వేసింది.

    కరోనాను కూడా పీల్చుకోవాల్సింది..

    కరోనాను కూడా పీల్చుకోవాల్సింది..

    అవినాష్ ముక్కు గురించి మాట్లాడిన సుమ అదిరిపోయే పంచ్ వేసింది. గాలిని మొత్తాన్ని పీల్చేస్తున్నావ్.. అలాగే ఈ కరోనా మొత్తాన్ని నువ్వే పీల్చుకుంటే మాకు ఈ బాధ తప్పేది కదా అంటూ సెటైర్ వేసింది.దీంతో అందరూ పగలబడి నవ్వేశారు. ఆ తరువాత స్టేజ్ మీదకు వచ్చిన అవినాష్‌కు మైకు అందించి సుమ పక్కకు జరిగింది.

    Krack Pre Release Event Photos

    ఏం మాట్లాడాలో తెలియడం లేదు..

    ఏం మాట్లాడాలో తెలియడం లేదు..

    స్టేజ్ ఎక్కి మైకు పట్టుకున్న అవినాష్ తన బిగ్ బాస్ ఎక్స్‌పీరియన్స్ గురించి మాట్లాడాడు. ఇన్ని రోజులు బిగ్ బాస్ ఇంట్లో ఉండి రావడంతో ఈ మనుషులంతా కొత్తగా అనిపిస్తున్నారు.. ఈ ఫోన్‌లు ఏంటో.. ఈ వాతావరణం ఏంటో అర్థం కావడం లేదు.. అసలు ఏం మాట్లాడాలో అర్థం కావడం లేదంట అవినాష్ చెప్పుకొచ్చాడు.

    వెళ్లిపో అంటూ..

    వెళ్లిపో అంటూ..

    అవినాష్ అలా అనడంతో.. వెంటనే సుమ అందుకుని ఏం మాట్లాడాలో అర్థం కాకపోతే వెళ్లిపో అంటూ సెటైర్ వేసింది. దీంతో కంగారు పడ్డ అవినాష్ మళ్లీ తన ప్రసంగాన్ని కొనసాగించాడు. బిగ్ బాస్ ఆఫర్ రావడంతో అలా మధ్యలో వెళ్లిపోయాను క్షమించండి అని డైరెక్టర్‌ను వేడుకున్నాడు.

    సినిమా గురించి మాట్లాడాడు..

    సినిమా గురించి మాట్లాడాడు..

    అవినాష్ అదే ఫ్లోలో అక్కడే కూర్చున్న రవితేజ, అనిల్ రావిపూడి గురించి కూడా మాట్లాడాడు. వెంటనే సుమ అందుకుని అక్కడున్న వారి గురించి నేను మాట్లాడతాను.. నువ్ వేరే ఏదైనా మాట్లాడు సినిమా గురించి చెప్పు అని కౌంటర్ వేసింది. మరి నన్ను ఎందుకు పిలిచారంటూ అవినాష్ కాస్త అసహనానికి లోనైనట్టు కనిపించింది. అలా చివరకు సినిమా గురించి రెండు ముక్కలు మాట్లాడేసి దిగిపోయాడు.

    English summary
    Krack Pre Release Event Avinash and Suma Funny Conversation.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X