Don't Miss!
- News పురందేశ్వరికి చెక్ పెడుతోందెవరు - చంద్రబాబు ఎటువైపు..!?
- Sports `దాదా` మళ్లీ మొదలు పెట్టాడయ్యా: హీటెడ్ ఆర్గ్యుమెంట్
- Automobiles టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- Technology రూ.12వేల కంటే తక్కువ ధరకే స్మార్ట్ఫోన్.. సెగ్మెంట్లో తొలిసారిగా 45W ఫాస్ట్ ఛార్జింగ్, డ్యూయల్ స్పీకర్లు..!
- Finance CRAMC IPO: త్వరలో కెనరా రోబెకో అసెట్ మేనేజ్మెంట్ కంపెనీ ఐపీఓ..!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
పూర్వ జన్మ సుకృతం.. కాకతాళీయంగా జరిగిపోయింది.. బాలకృష్ణ
ప్రపంచపటంపై తెలుగు జాతికి గుర్తింపు తెచ్చిన మహా వ్యక్తి నందమూరి తారక రామారావు జీవిత కథ ఆధారంగా ప్రతిష్టాత్మకంగా తెరకెక్కుతున్న ఎన్టీఆర్ బయోపిక్ షూటింగ్ జోష్గా కొనసాగుతున్నది. చిత్ర నిర్మాణంలో భాగంగా నందమూరి బాలకృష్ణ శనివారం దర్శకుడు క్రిష్తో కలిసి ఎన్టీఆర్ స్వగ్రామం నిమ్మకూరులో పర్యటించారు. ఎన్టీఆర్, బసవతారకం విగ్రహాలకు పూలమాలలు వేశారు. ఈ సందర్భంగా బాలకృష్ణ మీడియాతో మాట్లాడారు.
ఎన్టీఆర్ గొప్ప నేత, మహనీయుడు. అలాంటి వ్యక్తి కథను భావితరాలకు తెలియజెప్పాలనే ఉద్దేశంతో ఎన్టీఆర్ బయోపిక్ను తీస్తున్నాను. అందుకు క్రిష్ నాకు జత కలిశారు. గౌతమిపుత్ర శాతకర్ణి తర్వాత ఇది నాకు రెండో సినిమా అని బాలకృష్ణ అన్నారు.
ఎన్టీఆర్ బయోపిక్ నిర్మాతగా నాకు మొదటి సినిమా. అదీ నా బ్యానర్లోనే తీయడం మరో విశేషం. ఈ రెండు కాకతాళీయంగా జరిగిపోయాయి. పుట్టిన ఊరికి, జాతికి, దేశానికి ఖ్యాతి తెచ్చిన వారిలో ఎన్టీఆర్ ఒకరు. అలాంటి మహనీయుడి పాత్రలో నేను నటించడం పూర్వజన్మ సుకృతం కావొచ్చు అని బాలయ్య పేర్కొన్నారు.
ఎన్టీఆర్ బయోపిక్ నిర్మాణ షెడ్యూల్లో భాగంగానే నిమ్మకూరుకు వచ్చాం. ఈ ఊర్లో బంధువులకు క్రిష్ను పరిచయం చేశాను. నిమ్మకూరులో అక్టోబర్ చివరి వారంలో గానీ, నవంబర్లో గానీ ఎన్టీఆర్ బయోపిక్ సినిమా షూటింగ్ ఉంటుంది అని బాలకృష్ణ స్పష్టం చేశారు.