కృష్ణా..ఏమిటీ శిక్ష?

By Staff

Published: Monday, May 25, 2009, 17:53 [IST]

ఈ వారం కృష్ణ హీరోగా విజయ నిర్మల రూపొందించిన నేరము-శిక్ష చిత్రం రిలీజ్ కానుంది. అయితే ఈ చిత్రానికి పోటీగా మరో మూడు చిత్రాలు రిలీజ్ కానున్నాయి. అవి మనోజ్, హారిక చేసిన ప్రయాణం, విశాల్, శ్రియ కాంబినేషన్ పిస్తా, శివాజీ, శ్రధ్దాదాస్ జంటగా చేసిన డైరీ విడుదల కానున్నాయి. ఇక ఇందులో ప్రయాణం..దర్శకుడు యేలేటి చంద్రశేఖర్ కావటంతో క్రేజ్ సంపాదించుకుంది. సినిమా మొత్తం ఓ ఎయిర్ పోర్ట్ లో జరిగే నవ్వుల హరివిల్లు అంటున్నారు. ఇక పిస్తా సినిమా సైతం పూర్తి కామిక్ ఎంటర్టైనర్ అని చెప్తన్నారు. ఇందులో శ్రియ శ్రుతి మించి అందాల ప్రదర్శన చేసిందని సమాచారం. అలాగే డైరీ ఓ సస్పెన్స్ ధ్రిల్లర్.

మంత్ర నిర్మాతల సినిమా కావటంతో దీనిపై క్రేజ్ ఏర్పడింది. ఇక చివరగా కృష్ణ నటించిన నేరము-శిక్ష సినిమా. విజయ నిర్మల దర్శకత్వం వహించిన ఈ సినిమాను నేరము వాళ్ళు చేస్తే శిక్ష ఎవరు అనుభవిస్తారనే కామెంట్స్ వస్తున్నాయి. వయస్సు మీరిన కృష్ణను హీరోగా చేస్తే మినిమం ఓపినింగ్స్ అయినా వస్తాయా అన్నది సందేహమేనంటున్నారు. కెరీర్ లో ఎన్నో సక్సెస్ లు ఇచ్చిన కృష్ణతో ఇంకా హీరోగా ఇలాంటి సినిమాలు చేయటం అవసరమా అని అబిమానులు అంటున్నారు.గతంలోనూ కృష్ణ హీరోగా నేరము-శిక్ష అనే చిత్రం రిలీజై మంచి విజయం సాధించింది. ఇక ఈ చిత్రం బొల్లిముంత నాగేశ్వరరావు రచించిన ఓ నవల ఆధారంగా తీసారని సమాచారం. అలాగే ఈ చిత్రం కృష్ణ 333 చిత్రం కావటం మరో విశేషం.

More from Filmibeat