ఆంధ్రా అందగాడు?

By Staff

Published: Tuesday, March 10, 2026, 22:38 [IST]

అప్పట్లో రాజేంద్రప్రసాద్ వరసగా కామిడీ హీరోగా సినిమాలు చేసుకుంటూ పోయేవారు. అలాగే హిట్టు,ఫట్టు లకు సంభంధం లేకుండా ప్రేక్షకులూ చూసి ఆనందించే వారు. అయితే ఆయనతో ఇప్పుడలాంటి సినిమాలు చేసేవారు లేరు. దాంతో ఆ ప్లేస్ ని రీప్లేస్ చేయటానికి చాలా మంది ప్రయత్నిస్తున్నారు. ఫెయిల్ అవుతున్నారు. అందులో భాగంగానే కమిడెయన్ కృష్ణ భగవాన్ కి వరస ఆఫర్స్ వస్తున్నాయి. అయితే ఒక్కటీ ప్రేక్షకాదరణకు నోచుకోవటం లేదు. కథా లోపమో లేక సినిమా అంతా అతన్ని చూడాలంటే ఇష్టపడకో ఈ తరహా రిజల్టు అందిస్తున్నారు.

అయినా దర్శక, నిర్మాతలు తమ ప్రయత్నాలు మానటం లేదు .తాజాగా మిస్టర్ గిరీసం చేస్తున్న అతనితో ఆంధ్రా అందగాడు రూపొందిస్తున్నరు. సుధ ని దర్శకుడు గా పరిచం చేస్తూ రావెళ్ళ అంజి ఈ చిత్రాన్నినిర్మిస్తున్నారు. శాటిలైట్ ని దృష్టిలో పెట్టుకునే చాలా భాగం ఈ తరహా చిత్రాలు నిర్మితమవటం గమనార్హం. అప్పట్లో వరసగా సి గ్రేడ్ శృంగార చిత్రాలు వచ్చేవి. ఇప్పుడు అవే కామిడీ పేరుతో వస్తున్నాయి అంతే తేడా...ఇదే ట్రెండు కొనసాగితే భవిష్యత్ లో కామిడీ సినిమా అంటే ఆమడ దూరం పారిపోయే స్ధితి వస్తుందంటున్నారు సీనియర్లు.

More from Filmibeat