'అపూర్వ' కలయిక

By Staff

| Published: Sunday, August 23, 2009, 12:11 [IST]

కృష్ణ, బాలకృష్ణ, చిరంజీవి... టాలీవుడ్ లో స్టార్ హీరోలు. ఒకరు 'సూపర్ స్టార్', మరొకరు 'మెగాస్టార్', అయితే ఇంకొకరు 'యువరత్న'... ఇలా ఒకొక్కరిది ఒక్కో 'స్టార్ డమ్'. తెలుగు సినీమాతల్లి సిగలో మేలిమి ముత్యాల్లా మెరుస్తున్న ఈ అగ్రనాయకులు ఇలా ఒకే వేదికపై దర్శనమివ్వడం ఓ అపూర్వఘట్టం. 'సంతోషం' వారపత్రిక ఏడవ వార్షికోత్సవం సంధర్భంగా జరిగిన అవార్డుల ప్రధానోత్సవ కార్యక్రమం ఇందుకు వేదికయింది.

నటులుగా ముగ్గరివీ భిన్న దారులయినప్పటికీ, రాజకీయాల్లో కూడా ముగ్గరివీ మూడు దారులయినప్పటికీ కళామతల్లికి సేవ చెయ్యడానికి అందరం కలసికట్టుగా నడుస్తాం అన్నట్టుగా ఇలా కలిసి చిరునవ్వులు చిందిస్తూ ఫోటోలకు ఫోజులిచ్చిన విధానం మాత్రం అభినందనీయం. ఈ దృశ్యం అక్కడి ఆహూతులందరికీ ఆనందంతో పాటు ఆశ్చర్యం కలిగించింది.