రైల్వే స్టేషన్ సెట్ లో కృష్ణవంశి సినిమా...

By Staff

Published: Wednesday, March 11, 2026, 5:33 [IST]

కార్తికేయ ఫిలింస్ పతాకంపై తరుణ్ ,జెనీలియా లతో కృష్ణవంశి ఫ్రారంభించిన రొమాంటిక్ జర్ని రాజమండ్రిలో జోరుగా జరుగుతోంది. ఈ చిత్రం కోసం ఆనం కళా క్షేత్రాన్ని రైల్వే స్టేషన్ సెట్ గా మార్చారు. స్టేషన్ లోంచి పారిపోయిన జెనీలియా బయిటకు వచ్చి బయిట అప్పటికే రెడీగా ఉన్న తరుణ్ బైక్ మీదెక్కి పారిపోయే సన్నివేశాలు ఇటీవలే ఇక్కడ చిత్రీకరించారు. ఇక ఈ షూటింగ్ చూడటానికి వచ్చే జనాన్ని కంట్రోలు చేయటం యూనిట్ సభ్యులకు తలనొప్పిగా మారింది.

సినిమా కథ ప్రధానంగా వీరిద్దరి మధ్యా జరుగుతుందిట. బాలీవుడ్ మెగా హిట్ జబ్ వుయ్ మెట్ చిత్ర కధనాన్ని పోలిన స్క్రీన్ ఫ్లే ఉండే అవకాశం ఉంటుందంటున్నారు. కథ మొత్త రాజమండ్రి నుండి హైదరాబాద్ వరకూ జరిగే ప్రయాణంట.ఈ ప్రయాణంలో వీరి ప్రేమ ప్రయాణం కూడా ముడిపడి ఉంటుందిట. యేదేమైనా 'గమ్యం' సినిమా తెలుగు సినిమా గమ్యం కొంత వరకూ మార్చగలిగింది అనిపిస్తోంది ఈ తరహా సినిమాలు వస్తుంటే అంటున్నారు సీనియర్లు. నిజంగా మారితే మంచిదేగా...

More from Filmibeat