బాలయ్య నిర్మాతతో రవితేజ

బాలకృష్ణ అంటే వీరాభిమానం ప్రకటించే బెల్లంకొండ సురేష్ నిర్మాతగా రవితేజ హీరోగా ఓ చిత్రం అతి త్వరలో ప్రారంభం కానుంది. ఆ చిత్రాన్ని కృష్ణ వంశి డైరక్ట్ చేయనున్నారు. ప్రస్తతం ఆంజనేయులు షూటింగ్ లో బిజీగా ఉన్న రవితేజ దాని తర్వాత ఈ చిత్రమే చేయనున్నట్లు సమాచారం. అలాగే కృష్ణవంశి కూడా మహాత్మ అనంతరం ఏ ప్రాజెక్టు కమిట్ కాలేదు. ఇంతకుముందు రెండు మూడు సార్లు కృష్ణవంశితో రవితేజ చిత్రం చేయాలని ప్లాన్ చేసారు. కథ కుదరక ఒకసారి, డేట్స్ కుదరక మరో సారి, వేరే కమిట్ మెంట్స్ తో మరోసారి వాయిదా పడుతూ వచ్చింది. దాంతో ఈ సారి కన్ఫర్మ్ గా చేయాలని నిర్ణయించుకున్నట్లు తెలుస్తోంది. ఇక ఆంజనేయులు చిత్రాన్ని యువత దర్శకుడు పరుశరామ్ డైరక్ట్ చేస్తున్నాడు. నయనతార..ఈ చిత్రంలో రవితేజకి జోడిగా చేస్తోంది. బెల్లంకొండ రైడ్ చిత్రం జూన్ ఐదున రిలీజ్ అవుతోంది. ఖడ్గం తర్వాత వీరి కాంబినేషన్లో రానున్న చిత్రంపై అంతటా మంచి అంచనాలే ఉన్నాయి. ఇంతకు ముందు రవితేజతో బెల్లంకొండ నా ఆటోగ్రాఫ్ చిత్రాన్ని నిర్మించారు.

అలాగే బాలకృష్ణ, బెల్లంకొండ సురేష్ కాంబినేషన్ లో కూడా ఓ సినిమా ప్లాన్ చేస్తున్నట్లు సమాచారం. గతంలో వీరిద్దరి కాంబినేషన్లో లక్ష్మీ నరసింహ వంటి హిట్ చిత్రాలు వచ్చాయి. అయితే కాల్పులు కేసు అనంతరం ఇద్దరు మధ్యా దూరం పెరుగుతూ వచ్చింది. అయితే ఇటీవల జరిగిన పరిణామాలుతో ఇద్దరూ మళ్ళీ దగ్గరయ్యారు. బెల్లంకొండ నిర్మించిన రైడ్ ఆడియోకు బాలయ్య ఛీఫ్ గెస్ట్ గా హాజరయ్యారు. ఈ నేపద్యంలో బాలకృష్ణతో బెల్లంకొండ మరో సినిమా చేయటానికి ప్రపోజల్ పెట్టినట్లు సమాచారం. భిల్లా చిత్రం రూపొందించిన మెహర్ రమేష్ ని దర్శకుడుగా ఎన్నుకున్నట్లు తెలుస్తోంది. ఇక ఈ చిత్రం వివరాలు త్వరలోనే అఫీషియల్ గా ప్రకటించి బాలయ్య పుట్టినరోజున సినిమా ప్రారంబించాలని సన్నాహాలు చేస్తున్నారని సమాచారం. అంటే ఈ రెండు చిత్రాలు ఒకేసారి షూటింగ్ లు జరిగే అవకాశం ఉంది.