వెరైటీ గెటప్ లో రజనీ

By Staff

Published: Wednesday, March 11, 2026, 6:49 [IST]

సాధారణంగా రజనీకాంత్ నటించే ప్రతి సినిమాలోనూ ఆయన రకరకాల వెరైటీ గెటప్ లలో కనిపిస్తూంటారు. అలాగే పాటల్లోనూ.. డాన్సుల్లోనూ..వేసే కాస్ట్యూమ్స్ లోనూ.. మేకప్ లోనూ.. సెట్స్ లోనూ ఇలా ప్రతి విషయంలో ఏదో ఒక విశేషం ఉండాల్సిందే. విజువల్ గా ఆయన చూపే స్టైల్స్ చెప్పే మాస్ డైలాగ్సే సినిమాలకు ప్రాణం. వాటికోసమే వందల సార్లు కూడా సినిమాలు చూసే అభిమానులు ప్రపంచ వ్యాఫ్తంగా ఉన్నారంటే అతిశయెక్తి కాదు. అలాగే 'శివాజీ'లో క్లైమాక్స్‌లో బట్టతల, గడ్డంతో కనిపించి రజనీకాంత్ అందర్నీ అలరించారు . ఇప్పుడు 'కుచేలుడు' సినిమాలోనూ ఆయన రకరకాల గెటప్పులలో కనిపించనున్నాడు.

జగపతిబాబు టైటిల్ పాత్ర చేస్తున్న ఈ సినిమాలో ఆయన చేస్తున్నది సినీ హీరో పాత్ర. ఆ పాత్రకు తగ్గట్లు ఆయన ఖరీదైన కాస్ట్యూమ్స్ ధరిస్తున్నాడు. ఒక పాటలో అయితే ఆయన ఏకంగా 20 గెటప్పులలో కనిపించనున్నాడు. ఆ గెటప్స్ ప్రేక్షకుల్ని అమితంగా ఆకట్టుకుంటాయని నిర్మాతలు భావిస్తున్నారు. ఆ పాటలో ఆయన సరసన నయనతార సహా చాలామంది తారలు కొద్దిసేపు మెరుపులు మెరిపించనున్నారు. ఈ సినిమాలో మమతా మోహన్‌దాస్ హీరోయిన్ . సి. అశ్వనీదత్, విజయ్‌కుమార్ నిర్మాతలు. పి. వాసు దర్శకత్వం వహిస్తున్న ఈ సినిమా జూలై 18న విడుదలవుతుందని భావిస్తున్నారు.

More from Filmibeat