హిందీ కుచేలుడులో షారూఖ్

By Staff

| Published: Wednesday, April 16, 2008, 11:47 [IST]

ఒక్కోసారి ఒక్కో సినిమా దశ నడుస్తుంది. ప్రస్తుతం ఎక్కడ విన్నా కుచేలుడు కబుర్లే . మొదట మలయాళంలో 'కథా పరయుంబోల్' పేరిట రిలీజయి హిట్ అయ్యింది.ఈ చిత్రం రజనీకాంత్ హీరోగా తెలుగు, తమిళ భాషల్లో పి.వాసు దర్శకత్వంలో రీమేక్ అవుతూండటం తెలిసిందే. ఓ పెద్ద సినిమా స్టార్, అతని చిన్ననాటి స్నేహితుడైన క్షురకుడి మధ్య సంబంధాలతో ఒక ఊరు బాగు పడిన వైనం ఈ చిత్రం కధాంశం. తెలుగులో రజనీకాంత్ స్నేహితుడిగా జగపతి బాబు నటిస్తున్నాడు. హిందీలో ఈ చిత్రాన్ని 'బిల్లో బార్బార్' పేరిట తెరకెక్కిస్తున్నారు. మలయాళ మాంత్రికుడిగా పేరు పొందిన ప్రియదర్శన్ దర్శకత్వంలో ఈ చిత్రం రూపుదిద్దుకుంటోంది. ఈ చిత్రం షూటింగ్ కార్యక్రమాలు ముంబయిలో మంగళవారం ప్రారంభమయ్యింది.
ఈ చిత్రంలో షారుఖ్ ఖాన్ సినీ స్టార్ పాత్రను పోషిస్తుండగా...ఇర్ఫాన్ ఖాన్ అతని స్నేహితుని పాత్రను పోషించనున్నారు. ఈ చిత్రంలో షారుఖ్ ఖాన్ సరసన కరీనా కపూర్, దీపిక పదుకొనె, ప్రియాంక చోప్రాలు హీరోయిన్లుగా నటించనున్నారు. ఇర్ఫాన్ ఖాన్ భార్యగా జుహీ చావ్లా నటిస్తోంది. గతంలో కూడా చంద్రముఖి తెలుగు, తమిళ భాషల్లో పి.వాసు, రజనీ కాంత్ కాంబినేషనులో రూపొందింది. దానికి మలయాళి సినిమా మాతృక. దాన్ని ప్రియదర్శన్ హిందీలో భూల్ భులయ్యా పేరుతో అనువదించారు. హిట్టు కొట్టారు.అంటే తిరిగి అదే ఫార్మట్ లో వివిధ భాషల్లోకి వెళ్ళటం చూస్తుంటే ఆ రేంజి హిట్ ఖాయమనిపిస్తోంది.