హాట్ టాపిక్: కుమారస్వామి వైఫ్ గురించి నిజాలు.. నందమూరి హీరో సినిమాలో, ప్రేమలోకి దించి!

32 చిత్రాల్లో హీరోయిన్‌గా

రాధిక 32 చిత్రాలలో హీరోయిన్ గా నటించింది. అందం, అభినయం ఉన్న నటిగా మెప్పించింది. నినాగాగి అనే కన్నడ చిత్రంతో 2002 లో రాధిక హీరోయిన్ గా ఎంట్రీ ఇచ్చింది.

నందమూరి హీరోతో రొమాన్స్

రాధికా నటించిన తొలి తెలుగు చిత్రం భద్రాద్రి రాముడు. నందమూరి హీరో తారకరత్న నటించిన ఈ చిత్రం 2004 లో విడుదలయింది. ఆ చిత్రం ఆశించిన స్థాయిలో విజయం సాధించకపోవడంతో రాధికకు తెలుగులో పెద్దగా అవకాశాలు రాలేదు.

కుమారస్వామితో ప్రేమలో

సినిమాలలో నటిస్తున్న తరుణంలో కుమారస్వామితో రాధికకు పరిచయం ఏర్పడింది. పరిచయం కాస్త ప్రేమగా మారడంతో వీరిద్దరూ 2006 లో వివాహం చేసుకున్నారు. వీరిద్దరో వివాహం అప్పట్లో హాట్ టాపిక్. వీరిద్దరికి వయసులో వ్యత్యాసం 17 ఏళ్ళు కావడం విశేషం. వీరిద్దరికి ఓ పాప కూడా ఉంది.

ఇద్దరికి రెండవ పెళ్లే

రాధికకు అంతకు ముందే వివాహం జరిగింది. 2002 లో రతన్ కుమార్ అనే వ్యక్తిని పెళ్లి చేసుకున్న రాధిక కొద్దిరోజులకే అతడి నుంచి విడిపోయింది. కుమారస్వామికి 1986 లోనే వివాహం జరిగింది. ఆయన మొదటి భార్య అనిత. కొన్ని రోజుల తరువాత కుమారస్వామి, అనిత విడిపోయారు.

నిర్మాతగా

రాధిక ఇప్పటికి కొన్ని చిత్రాలలో క్యారెక్టర్ రోల్స్ పోషిస్తున్నారు. నిర్మాతగా కూడా ఆమె కొన్ని చిత్రాలు నిర్మించడం విశేషం. అందం, అభినయం కలబోసిన నటి కావడంతో ఆమె గురించి తెలుసుకునేందుకు నెటిజన్లు ఆసక్తి చూపుతున్నారు.