హోమ్

న్యూస్

మోహన్ బాబు కూతురు మంచు లక్ష్మి ప్రసన్న తొలుత టీవీ షోల ద్వారా ప్రేక్షకులకు పరిచయం అయిన సంగతి తెలిసిందే. 'లక్ష్మి టాక్ షో', 'ప్రేమతో మీ లక్ష్మి' కార్యక్రమాల ద్వారా పాపులర్ అయిన ఈ భామ తర్వాత సినిమాల్లోకి ఎంట్రీ ఇచ్చింది. ప్రస్తుతం నిర్మాతగా పలు సినిమాలను నిర్మిస్తోంది.

ఆమె మంచు ఎంటర్ టైన్మెంట్స్ బ్యానర్‌పై రూపొందించిన 'ఊ కొడతారా ఉలక్కి పడతారా' చిత్రం ఇటీవలే విడుదలైంది. మరో వైపు 'గుండెల్లో గోదారి' చిత్రంలో నటించడంతో పాటు ఈ సినిమాకు నిర్మాతగా కూడా వ్యవహరిస్తోంది. తాజాగా లక్ష్మి మరో టీవీ షోను లాంచ్ చేయడానికి సన్నాహాలు చేస్తోంది.

లక్ ఉంటే లక్ష్మి' పేరుతో ప్రసారం కానున్న ఈ షోలో పాల్గొనే వారు లక్కు ఉంటే డబ్బు, బహుమతులు గెలుచుకోవచ్చు అనే కాన్సెప్టుతో రూపొందిస్తున్నారు. ఈ కార్యక్రమానికి సాయి కుమార్ వ్యాఖ్యానం వహిస్తున్నారు. ఈ విషయమై మంచు లక్ష్మి తన ట్విట్టర్లో పేర్కొంటూ..''లక్ ఉంటె లక్ష్మి లో నేను కనపడబోతున్నాను, చాలా రోజుల తరువాత బుల్లి తెర మీదకి రానున్నాను. ప్రతి శుక్రవారం ఈ కార్యక్రమం ప్రసారం అవ్వనుంది" అని వెల్లడించారు.