లారన్స్ తో రామ్ చరణ్ !!

By Staff

| Published: Wednesday, February 25, 2009, 18:09 [IST]

చిరంజీవి పై చిత్రీకరించిన చాలా పాటలకు లారెన్స్ కొరియోగ్రఫి అందించిన విషయం తెలిసిందే. ఇప్పుడు మళ్ళీ ఆయన కుమారుడు రామ్ చరణ్ ఇంట్రడక్షన్ సాంగ్ కి లారెన్స్ అదరకొట్టే స్టెప్స్ తో కొరియోగ్రఫి చేసాడని తెలుస్తోంది. రాజమౌళి దర్శకత్వంలో రెడీ అవుతున్న చిత్రంలో ఈ సాంగ్ వస్తుంది. ఇక ఈ చిత్రానికి రకరకాల టైటిల్స్ వినిపిస్తున్నాయి. మొదట ధీరుడు అన్నారు. తర్వాత డేగ అన్నారు. కానీ ఇప్పుడు చిరంజీవి సూపర్ హిట్ రుస్తుం టైటిల్ పెడదామనే నిర్ణయానికి వచ్చారని తెలుస్తోంది.

ఇక ఈ సినిమా పునర్జన్మ నేపధ్యంలో జరుగుతుంది. కాజల్ అగర్వాల్ హీరోయిన్ గా చేస్తున్న ఈ చిత్రంలో రామ్ చరణ్ స్టంట్ మాస్టర్ గా కనిపించనున్నాడని సమాచారం. ఇక ఈ చిత్రంలో చిరంజీవి బంగారు కొడి పెట్ట పాటలో కనిపించి అభిమానులను ఆనందపరుస్తారు. అలాగే శ్రీహరి ఓ కీలకమైన పాత్రను చేయనున్నారని చెప్తున్నారు. రాజమౌళి ప్రతిష్టాత్మకంగా రూపొందిస్తున్న ఈ సంచలన విజయం సాధిస్తుందని అభిమానులు ఎదురుచూస్తున్నారు.