టైటిలే వెరైటీ ...ఇంక మేటర్

By Staff

Published: Friday, March 13, 2026, 3:59 [IST]

ఈ రోజుల్లో ఒక సినిమా రిలీజయ్యి హిట్ అయితే గాని మరో సినిమా అవకాశం పొందటం చాలా కొత్త దర్శకులకు చాల కష్టంగా ఉంది.అలాంటిది టైటిల్ చెప్పి ఎట్రాక్ట్ చేసి సినిమా పట్టటం సామాన్యమైన విషయం కాదు. కాని ప్రూవ్ చేస్తూ ముందుకొస్తున్న దర్శకుడు లక్ష్మీకాంత్ చెన్నా. అప్పట్లో హింగ్లీషు డైలాగులతో వచ్చిన 'హైదరాబాద్ నవాబ్స్' అనే లో బడ్జెట్ సినిమా తో అతను పరిచయమయ్యాడు. తరువాత కొంచెం ఎదిగి బడ్జెట్ పెంచి త్వరలో విడుదల కానున్న 'నిన్న నేడు రేపు' అనే సినిమాను డైరెక్ట్ చేసాడు. నూకారపు సూర్యప్రకాశరావు నిర్మించిన ఈ సినిమాలో '7/జి, బృందావనకాలని' ఫేమ్ రవికృష్ణ హీరో కాగా, తమన్నా, అక్షర హీరోయిన్లు.

ఈలోగా 'నా గర్ల్ ఫ్రెండ్‌కు కొంచెం పొగరెక్కువ' టైటిల్ తో మరో సినిమా ప్రారంభించబోతున్నాడు. టైటిల్ వినగానే కొత్తగా, ఆకట్టుకునే రీతిలో ఉన్న ఈ సినిమాను ఒక ఎన్నారై నిర్మిస్తున్నారు. టైటిలే ఇంత వెరైటీగా గమ్మత్తుగా ఉంటే లోపల మేటర్ ఇంకెంత గొప్పగా ఉంటుందో అని విని ఓ.కె చేసాడట ఆ ప్రొడ్యూసర్. అంతేగాక ఈ సినిమా నవ్వించి కవ్వించే రొమాంటిక్ కామెడీట. దాంతో టాలెంట్ ఉంటే టైటిల్ గ్యారీంటీగా బావుంటుంది .అలాంటి వారికి అవకాశాలు వాటంతట అవే వెతుక్కుంటూ వస్తాయంటున్నారు ఈ విషయం తెల్సిన వాళ్ళు. బెస్టాఫ్ లక్ లక్ష్మీకాంత్

More from Filmibeat