Don't Miss!
- News వీళ్లా..వైఎస్ వారసులు, పక్కన పెట్టింది ఇందుకే - షర్మిల పై జగన్ ఫైర్..!!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సింగర్ SP బాలసుబ్రహ్మణ్యంకి కరోనా పాజిటివ్.. నన్ను ఎవరు డిస్టర్బ్ చేయవద్దంటూ..
గాన గంధర్వుడు సీనియర్ గాయకులు ఎస్పీ. బాలసుబ్రహ్మణ్యం కరోనా భారిన పడ్డారు. ఇక రూమర్స్ డోస్ వైరల్ అవ్వకముందే ఈ విషయాన్ని ఆయన ఒక వీడియో ద్వారా అఫీషియల్ గా ఎనౌన్స్ చేశారు. లాక్ డౌన్ మొదలైనప్పటి నుంచి కూడా ఆయన తన నివాసంలోనే ఉంటున్నారు. అయితే ఇటీవల సడన్ గా కొంత అస్వస్థతకు గురవ్వడంతో వెంటనే ఆయన ఒక ప్రయివేట్ హాస్పిటల్ లో జాయిన్ అయ్యారు.
Recommended Video
జలుబు, చెస్ట్ పెయిన్
బాల సుబ్రహ్మణ్యం మాట్లాడుతూ.. గత రెండు రోజులుగా జలుబు చెస్ట్ పెయిన్ వంటి లక్షణాలు కొంచెం కొంచెంగా కనిపిస్తున్నాయి. ముఖ్యంగా జ్వరం వస్తోంది పోతోంది. గాయకులకు చెస్ట్ కి సంబంధించిన ఇబ్బంది అనేది అప్పుడప్పుడు కామన్. అయితే జ్వరం కూడా ఇబ్బంది పెడుతోందని వెంటనే కరోనా పరీక్షలు చేయించుకున్నాను.
ఏ మాత్రం రిస్క్ తీసుకోవద్దని
కరోనా పరీక్షలు చేసిన తరువత చాలా తక్కువ స్థాయిలో వైరస్ ఉన్నట్లు రిపోర్ట్స్ వచ్చాయి. ఇంటి దగ్గరే ఉండి రెస్ట్ తీసుకొని కాస్త ట్రీట్మెంట్ తీసుకుంటే సరిపోతుందని వైద్యులు అన్నారు. కానీ నేను ఈ విషయంలో ఏ మాత్రం రిస్క్ తీసుకోవద్దని అనుకున్నాను. అంతే కాకుండా ఇంట్లో వాళ్ళను కూడా ఇబ్బందుల్లో పెట్టకూడదని అనుకున్నాను. అందుకే హాస్పిటల్ లో ఉంటాను అని వైద్యులకు చెప్పాను.
ఆరోగ్య పరిస్థితి చాలా నిలకడగా ఉంది
ఇక్కడ వైద్యులు కూడా నాకు స్నేహితులు కావడంతో వాళ్ళు నన్ను ఇంకా బాగా చూసుకుంటున్నారు. ప్రస్తుతం నా ఆరోగ్య పరిస్థితి చాలా నిలకడగా ఉంది. నా శ్రేయోభిలాషులు ఎలాంటి ఆందోళన చెందాల్సిన అవసరం లేదు. నేను ఆరోగ్యంగానే ఉన్నాను. కాబట్టి ఎవరు కూడా బయపడవద్దు.
డిస్టర్బ్ చేయకండి
అలాగే నా ఆరోగ్య పరిస్థితి గురించి తెలుసుకోవడానికి ఎవరు కూడా నన్ను కాంటాక్ట్ చేసే ప్రయత్నం చేయవద్దు. నేను బాగా ఏ ఉన్నాను. కేవలం ఒక జలుబు మాత్రమే ఉంది. కాస్త జ్వరం కూడా ఉంది. అంతకు మించి పెద్దగా ఇబ్బంది లేదు. నేను కొన్ని రోజుల్లోనే డిశ్చార్జ్ అయ్యి ఇంటికి వెళతాను. చాలా మంది నాకు ఫోన్లు చేస్తున్నారు. నేను సమాధానం ఇవ్వడం లేదు. ఎందుకంటే నేను ఇక్కడికి చికిత్స అందుకొని రెస్ట్ తీసుకోవడానికి వచ్చాను. అందుకే దయచేసి ఎవరు కూడా డిస్టర్బ్ చేయకండి.. అని బాలసుబ్రహ్మణ్యం వివరణ ఇచ్చారు.