రంగస్థలం అంత పెద్దదా..భారీ రిస్క్ తీసుకుంటున్న సుకుమార్ !

రాంచరణ్ నటించిన రంగస్థలం చిత్రం మార్చి 30 న ప్రపంచ వ్యాప్తంగా విడుదలకు సిద్ధం అవుతోంది. రంగస్థలం చిత్రంపై ఏ స్థాయిలో అంచనాలు ఉన్నాయో అందరికి తెలిసిందే. 1985 నేపథ్యంలో సుకుమార్ ఈ చిత్రాన్ని తెరకెక్కించారు. రాంచరణ్ చిట్టిబాబుగా, సమంత రామలక్ష్మిగా కనిపించబోతున్నారు. చరణ్ ఈ చిత్రంలో వినికిడి లోపం ఉన్న యువకుడిగా నటిస్తున్న సంగతి తెలిసిందే. టీజర్ కు, దేవీశ్రీ కంపోజ్ చేసిన సంగీతానికి అద్భుతమైన రెస్పాన్స్ వచ్చింది.

రంగస్థలం చిత్రం గురించి మరో ఆసక్తికరమైన ప్రచారం జరుగుతోంది. ఈ చిత్ర నిడివి గురించి వస్తున్న వార్తలు ఆశ్చర్యాన్ని కలిగించే విధంగా ఉన్నాయి. రంగస్థలం రన్ టైం సుమారుగా 2 గంటల 50 నిముషాలు ఉన్నట్లు తెలుస్తోంది. ఈ మధ్య కాలంలో ఎంత ఎక్కువ నిడివితో ఏ చిత్రమూ రాలేదనే చెప్పాలి. ప్రేక్షకులు కూడా తక్కువ నిడివి ఉన్న చిత్రాలకు బాగా అలవాటు పడ్డారు. ఇటువంటి సమయంలో 2 గంటల 50 నిమిషాల రన్ టైం అంటే సుకుమార్ రిస్క్ తీసుకుంటున్నాడని కామెంట్స్ వినిపిస్తున్నాయి. కథ ఆసక్తికరంగా ఉండాలే కానీ ఎంత నిడివి ఉంటె ఏంటి అనేది మెగా ఫాన్స్ వాదన. చూద్దాం చిట్టిబాబు మ్యాజిక్ ఎలా పనిచేస్తుందో!