పవన్ ఆమెకి పిచ్చ పిచ్చగా నచ్చేస్తున్నాడు

By Staff

| Published: Tuesday, September 23, 2008, 16:31 [IST]

పవన్ కళ్యాణ్ పులి సినిమాతో పరిచయమవుతున్న నికేషా పటేల్ అప్పుడు ఆ హీరోని పొగడ్తల్లో ముంచెత్తుతోంది. ఈ లండన్ బ్యూటీ ఈ సినిమాలో సూపర్ డెంట్ ఆఫ్ పోలీస్ ఆఫీసర్ పాత్రను పోషిస్తోంది. అలాగే సెకెండ్ హీరోయిన్ గా నికేష సోదరిగా పార్వతి మిల్టన్ కవ్వించనుంది. ఇక నికేషా మాట్లాడుతూ పవన్ వంటి గొప్ప నటుడు సినిమాతో పరిచయం కావటం నా అదృష్టం..గ్రేట్ ఛాన్స్ ఇది. అలాగే ఆయనకున్న ప్రొపెషనలిజం చాలా సార్లు ఆశ్చర్యపోయేలా చేస్తుంది.

అలాగే పవన్ ఏటిట్యూడ్ నాకు పిచ్చ పిచ్చగా నచ్చేస్తుంటుంది. అసలు ఆయన బిహేవియర్ లో ఏదో మ్యాజిక్ ఉంది ...అంది. ఇదంతా మొన్న హిమాయిత్ నగర్ లో షూటింగ్ జరుగుతూంటే వెళ్ళిన వారితో ముచ్చటిస్తూ చెప్పింది. అదే సమయంలో పవన్ ఓ ప్రక్క షాట్స్ కి అటెండవతూ...ప్రజా రాజ్యం తరుఫున తనతో మాట్లాడటానికి వచ్చిన వారిని పలకరిస్తూ...కొంతమందికి ఆటోగ్రాఫ్ లు, ఫొటోలు కలపి తీయించుకోవటానికి అవకాశమిస్తూ బిజీగా కనపడ్డారు.

ఇక ఈ సినిమా జనవరి 2009 కి రిలీజ్ ప్లాన్ చేస్తున్నారు. అయితే సంగీతం ఎ.ఆర్ .రహమాన్ కావటంతో మరింత లేటయ్యే అవకాశముందనీ వినపడుతోంది. అలాగే ఈ సినిమాలో పవన్ పోలీస్ పాత్రలో కనిపిస్తారు. అలాగే తొలిసారిగా ద్విపాత్రల్లో నటిస్తున్నారు. ఖుషి ఫేమ్ ఎస్.జె.సూర్య ఈ చిత్రాన్ని ప్రతిష్ఠాత్మకంగా రూపొందిస్తున్నారు.