Don't Miss!
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- News పిఠాపురంలో పవన్ కల్యాణ్ గెలుపు కష్టమే ... ప్రముఖ నిర్మాత షాకింగ్ కామెంట్స్
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
ఇండియా అంటే ఇష్టం.. ఇండియన్స్ అంటే ద్వేషం: పూరీ జగన్నాథ్
తాజాగా టాలీవుడ్ను కుదిపేస్తున్న డ్రగ్స్ రాకెట్ వ్యవహారంలో దర్శకుడు పూరీ జగన్నాథ్ పేరు ప్రముఖంగా వినిపిస్తుండడం తెలిసిందే.
హైదరాబాద్: తెలుగు చలనచిత్ర దర్శకుల్లో దర్శకుడు పూరీ జగన్నాథ్ది విలక్షణ శైలి. తన మనసుకు నచ్చిన పనులు చేయడం, చాలా ఫాస్ట్గా సినిమాలు నిర్మించడం, తన గురించి, తన సినిమాల గురించి ఎవరేమన్నా పట్టించుకోకపోవడం పూరీ స్టయిల్. తన సాటి దర్శకులు ఒక్క సినిమా చేసే టైమ్లో పూరీ మూడు సినిమాలు చేసేస్తుంటాడు.
తాజాగా టాలీవుడ్ను కుదిపేస్తున్న డ్రగ్స్ రాకెట్ వ్యవహారంలో పూరీ పేరు ప్రముఖంగా వినిపిస్తోంది. ఇలాంటి సమయంలో తన తర్వాతి ప్రాజెక్టు గురించి ఓ ఇంటర్వ్యూలో ఆసక్తికర విషయాలు చెప్పాడు పూరీ. ఆ సినిమాలో కూడా డ్రగ్స్ వ్యవహారంతోపాటు దేశాన్ని పట్టిపీడిస్తున్న ఇతర విషయాలను గురించి చర్చించనున్నట్టు తెలిపాడు.
ఆ సినిమా టైటిల్ 'జనగణమన' అంట. అంతటితో ఊరుకోకుండా 'లవ్ ఇండియా.. హేట్ ఇండియన్స్' అంటూ ఓ ట్యాగ్లైన్ కూడా తగిలించాడు. నిజానికి ఈ సినిమాను మహేష్తో తెరకెక్కించబోతున్నట్టు ఏడాది క్రితమే పూరీ జగన్నాథ్ ప్రకటించాడు. అయితే మహేష్ ఎప్పటికీ ఆ సినిమా గురించి స్పందించకపోవడంతో పక్కనపెట్టాడు.
ఎప్పటికైనా ఈ 'జనగణమన' సినిమాను తెరకెక్కించడమే తన లక్ష్యమని పూరీ జగన్నాథ్ తెలిపాడు. దేశం మీద ఎంతో ప్రేమ ఉండబట్టే అలాంటి స్క్రిప్టు తయారుచేయ గలిగానని పూరి చెప్పాడు. అంతాబాగానే ఉంది కానీ.. ఆ ట్యాగ్ లైన్ ఏంటి పూరీ? లవ్ ఇండియన్స్ వరకు బాగానే ఉంది కానీ.. ఆ తరువాతి పదమేంటి? నువ్వు మాత్రం ఇండియన్ వి కావా? మరి ఇండియన్స్ పై అంత అసహ్యమెందుకో?