Don't Miss!
- News ఈ ఒక్కటి ఇంట్లో ఉంటే డబ్బు ఆటోమేటిక్ గా వస్తుంది
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
డ్రగ్స్ కేసు: చార్మి అంత గొప్ప మహిళా?... రచయిత జొన్నవిత్తుల ఫైర్!
చార్మిని ఝాన్సీ లక్ష్మీబాయితో పోల్చడంపై జోన్నవిత్తుల అభ్యంతరం వ్యక్తం చేశారు.
టాలీవుడ్ చిత్ర పరిశ్రమకు చెందిన పలువురు స్టార్స్ డ్రగ్స్ కేసులో సిట్ విచారణ ఎదుర్కొంటున్న సంగతి తెలిసిందే. ఇప్పటికే పలువురు స్టార్లను విచారించిన పోలీసులు బుధవారం హీరోయిన్ చార్మిని విచారించారు.
విచారణ అనంతరం బయటకు వస్తున్న చార్మిని చూసి వివాదాస్పద దర్శకుడు రామ్ గోపాల్ వర్మ ఓ కామెంట్ విసిరారు. చార్మీని టీవీ చానళ్లలో చూసిన వర్మ... ఆమె తనకు జ్యోతిలక్ష్మిలా కనిపించడం లేదని, వీరనారి ఝాన్సీ లక్ష్మీ బాయిలా కనిపిస్తోందంటూ కామెంట్ చేశారు. అయితే చార్మి లాంటి సాధారణ నటిని.... ఝాన్సీ లక్ష్మీభాయి వీరనారితో పోల్చడంపై రచయిత జొన్నవిత్తుల మండి పడ్డారు.
చార్మి ఏం చేసిందని?
చార్మిని ఝాన్సీ లక్ష్మీభాయి లాంటి వీరనారితో పోల్చడం సరికాదు..... అంత గొప్ప పనులు చార్మి ఏం చేసింది? చరిత్రలోని గొప్ప వ్యక్తులు, దేశ భక్తులతో పోల్చినపుడు దానికి తగిన కారణం కూడా ఉండాలి అనే అభిప్రాయం జొన్నవిత్తుల వ్యక్తం చేశారు.
Recommended Video
వాళ్లేమీ ఆంగ్లేయులు కాదే
వర్మ తన వ్యాఖ్యలను వెంటనే వెనక్కి తీసుకోవాలి, అతడు చేసింది చాలా ఇబ్బందికర వ్యాఖ్య..... ఎందుకంటే చార్మి వీరనారి కాదు, సిట్ అధికారులు ఆంగ్లేయులు అంతకన్నా కాదు అని జొన్నవిత్తుల అన్నారు.
దేశభక్తికి ప్రతీక
ఆంగ్లేయులపై పోరాడిన ఝాన్సీ లక్ష్మిభాయిని దేశభక్తికి, సాహసానికి, పరాక్రమానికి, త్యాగానికి ప్రతీక. చార్మి ఒక సాధారణ నటి. ఆమె దేశ భక్తికి, పరాక్రమానికి, సాహసానికి సంబంధించిన పనులేమీ చేయలేదు. వర్మ సిట్పై ఆయన అభిప్రాయాలను చెప్పవచ్చు. కానీ, దేశభక్తురాలితో చార్మిని పోల్చడం తగదు జొన్నవిత్తుల అభిప్రాయపడ్డారు.
ఇలా అనొచ్చు
డ్రగ్ కేసులో అనుమానితురాలిగా చార్మిని పిలిచి, సిట్ అధికారులు విచారణ చేస్తున్నారు. ఆ విచారణ ముగించుకుని బయటకు వచ్చినప్పుడు, ఆవిడ నిబ్బరంగా ఉందని అనొచ్చు. లేకుంటే, మరో విధంగా ఆమెను ప్రశంసించవచ్చు... అలా అంటే ఎవరికీ ఎలాంటి అభ్యంతరాలు ఉండవు, దేశభక్తురాలు ఝాన్సీ లక్ష్మి భాయితో పోలిస్తే చాలా మంది నొచ్చుకునే అవకాశం ఉంది అని జొన్నవిత్తుల అన్నారు.