మహేష్ బాబుకు కూడా కోటి రూపాయలేనా, అనుమానం కలిగింది: నరేష్

నేను అప్పుడే క్లియర్‌గా చెప్పాను

నరేష్ మాట్లాడుతూ... చిరంజీవిగారి ప్రోగ్రాం వచ్చినపుడు నేను క్లియర్ గా... కనీసం ముగ్గురి దగ్గర నుండి కొటేషన్ తీసుకుని బెస్ట్ కొటేషన్ కు స్పందన తెలపాలని చెప్పాను. ఆ తర్వాత నాతో ఎలాంటి సంప్రదింపులు జరుపలేదు' అని తెలిపారు.

ముందు రెండు కోట్లన్నారు..

‘ఆ తర్వాత శివాజీ రాజా, శ్రీకాంత్ మిత్రుడైన విజయ్ అనే వ్యక్తి ఒక కార్యక్రమాన్ని తీసుకొచ్చారు. చిరంజీవిగారు వస్తే రెండు కోట్లు ప్రోగ్రాంకు ఇస్తామన్నారు. రూ. 25 లక్షలు బ్యాంకులో పడింది. మీరంతా ఆమోదం తెలిపితే చేద్దామన్నారు. ఎగ్జిక్యూటివ్ మీటింగ్ అయిన తర్వాత కోటి రూపాయలే ప్రోగ్రాంకు ఇస్తామని చెప్పడం జరిగింది. మొదటి కార్యక్రమం, పెద్దలు వస్తున్నారు కాబట్టి సంతకం పెట్టడం జరిగింది.' అని నరేష్ తెలిపారు.

నాకు ఆ పవర్స్ ఉన్నాయి

‘వారు ఏం చేసినా నేనేం మాట్లాడలేదు. శివాజీ రాజా మీద ఉన్న పూర్తి నమ్మకంతో సంతకం పెట్టారు. జనరల్ సెక్రటరీ అయిన నాకు ఆఫీస్ హ్యాండోవర్ చేసుకునే పవర్స్ ఉన్నాయి. కానీ సిల్వర్ జూబ్లీ కార్యక్రమానికి ఎలాంటి ఆటంకం కలగకూడదు అని మిన్నకుండి పోయాను.' అన్నారు.

నాకు బ్యాగ్రౌండ్ ఉంది.. తప్పు చేయను

నేను ఇండస్ట్రీలో పుట్టి పెరిగాను. 7వ ఏట నుండే ఇండస్ట్రీలో ఉన్నాను. ఎప్పుడూ ఎవరితో కాంట్రవర్సీలకు పోలేదు. ధర్మం కోసం పోరాడతాను. నాకు ఫ్యామిలీ బ్యాగ్రౌండ్ ఉంది. 200 సినిమాల ఆర్టిస్టును, 100 సినిమాల హీరోను. అయినా ఆర్గనైజేషన్ ప్రధానంగా నేను నేర్చుకున్నాను. కాబట్టి కొంత సడలింపు ఇవ్వడం జరింది. నేను ఎవరి మీద కంప్లయింట్స్ చేయడం లేదు. తప్పు చెప్పడం లేదు. ఉన్న వాస్తవాలను చెప్పాను.

మహేష్ బాబుకు కూడా కోటి అంటే అనుమానం వచ్చింది

ఆ తర్వాత కొన్ని రోజులకు మహేష్ బాబును ప్రోగ్రాం చేయడానికి ఒప్పించాను. దానికి కూడా కోటి రూపాయలు అన్నపుడు కొంచెం అనుమానం, కన్ ఫ్యూజన్ కలిగింది. కానీ మీ ఇష్టం అని మేమంతా కూడా సైలెంట్ అయిపోయాం. ఆ సమయంలో ఏదైనా మాట్లాడితే సిల్వర్ జూబ్లీకి మేమంతా అడ్డం వచ్చినవారం అవుతామని ఆమోదించడం జరిగింది. ఇది వాస్తవం.... అని నరేష్ స్పష్టం చేశారు.