Don't Miss!
- News టెలికాం శాఖ పేరుతో కాల్స్ వస్తున్నాయా?: జాగ్రత్తగా ఉండాలన్న కేంద్రం
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Sports SRH Playing XI: ఆ బౌలర్పై వేటు.. గుజరాత్తో తలపడే సన్రైజర్స్ హైదరాబాద్ తుది జట్టు ఇదే!
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
వివాదంలోకి రాజశేఖర్ కూతురు.. జీవిత దిమ్మ తిరిగే జవాబు.. శివాజీ రాజా వర్గానికి రిటర్న్ గిఫ్ట్!
మూవీ ఆర్టిస్ట్ అసోసియేషన్ (మా)లో వివాదం ఇంకా కొనసాగుతూనే ఉన్నాయి. ఎన్నికల పూర్తయిన తర్వాత కూడా నరేష్ వర్గానికి, శివాజీ రాజా వర్గాని మధ్య అధిపత్య పోరు కొనసాగుతూనే ఉంది. రెండు వర్గాలు ఒకరిపై మరొకరు బురుద జల్లుకోవడానికి ప్రయత్నిస్తూ అభాసు పాలవుతున్నాడు. తాజాగా రాజశేఖర్ కూతురుపై నిరాధారమైన ఆరోపణలు చేసి శివాజీ రాజా బుక్ అయ్యాడు. ఈ విషయం ఇండస్ట్రీలో చర్చనీయాంశమైంది. ఇంతకు ఏమైందంటే..
నిధుల దుర్వినియోగం అంటూ
మా ఎన్నికల్లో విజయం సాధించిన తర్వాత ఏప్రిల్ ఒకటి నుంచి నరేష్ అధ్యక్షుడిగా, జీవితా రాజశేఖర్ ప్రధాన కార్యదర్శిగా బాధ్యతలు చేపట్టారు. ఆ క్రమంలో మా నిధులకు సంబంధించి రూ.7 లక్షలు దుర్వినియోగం అయ్యాయిని శివాజీ రాజా వర్గం ఆరోపించింది. ఆ నిధులు ఏకంగా జీవితా రాజశేఖర్ కూతురు అకౌంట్లోకి ట్రాన్స్ఫర్ కావడంతో వివాదంగా మారింది.
స్పందించిన జీవిత రాజశేఖర్
శివాజీ రాజా వర్గం చేసిన ఆరోపణలపై జీవిత స్పందించారు. తెలంగాణ ప్రభుత్వానికి ధన్యవాదాలు తెలిపేందుకు అడ్వర్టయిజ్ మెంట్ ఇవ్వాలని మా కార్యవర్గం నిర్ణయించింది. ఆ సమయంలో కోశాధికారి రాజీవ్ కనకాల అందుబాటులో లేరు. దాంతో దానికి కావాల్సిన మొత్తాన్ని స్వయంగా మేము ఇచ్చాం అని జీవిత వెల్లడించారు.
రాజీవ్ కనకాల స్వయంగా ట్రాన్స్ఫర్ చేశారు
తెలంగాణ ప్రభుత్వం కోసం ఇచ్చిన ప్రకటనకు అయిన ఖర్చును మా నిధుల నుంచి నా కూతురు బ్యాంకు ఖాతాలోకి ట్రాన్స్ఫర్ చేయడం జరిగింది. స్వయంగా రాజీవ్ కనకాల ఆ మొత్తాన్ని ట్రాన్స్ఫర్ చేశారు. ఆ విషయాన్ని తెలుసుకోకుండా శివాజీరాజా వర్గం మాపై నిందలు వేసేందుకు ప్రయత్నించారు అని అన్నారు.
ఆరోపణలు వస్తాయని తెలుసు అందుకే
మా నిబంధనలకు విరుద్ధంగా వ్యవహరించలేదు. నిధుల వినియోగం విషయంలో ఏం జరుతుందో ఆఫీస్ బేరర్స్కు తెలుసు. ఎలాంటి అనుమానాలు ఉన్నా మా ఆఫీసుకు వచ్చి చెక్ చేసుకోవచ్చు. ‘మా'పై ఇలాంటి ఆరోపణలు వస్తాయని ముందే తెలుసు. అందుకే ‘మా' అకౌంట్స్ విషయంలో పారదర్శకంగా ఉంటున్నాం అని జీవిత స్పష్టం చేసినట్లు తెలుస్తోంది.
శివాజీ రాజా అవాస్తవాలతో ఆరోపణలా?
గత కొద్దికాలంగా నరేష్ వర్గాన్ని, ఆయనకు సహకరించిన నాగబాబును టార్గెట్గా చేసుకొని శివాజీ రాజా ఆరోపణలు చేస్తున్నారు. అయితే తాజాగా రాజశేఖర్ కూతురును వివాదంలోకి లాగుతూ చేసిన ఆరోపణలు బౌన్స్ కావడంపై సినీ వర్గాలు తలో విధంగా వ్యాఖ్యలు చేస్తున్నారు. అసలు విషయం తెలుసుకోకుండా ఆయన వర్గం విమర్శలు చేయడం తగదు అని అంటున్నారు.