చిరు, మహేష్, ఎన్టీఆర్, ప్రభాస్ అందరినీ టచ్ చేశాం, రాజశేఖర్ ఓటమి భరించలేరు: జీవిత

మా పిల్లలు కూడా

మాకు ప్రచారానికి పది రోజుల సమయం మాత్రమే ఉంది. ప్రత్యర్థి టీమ్ బలమైన టీమ్. చాలా కష్టపడ్డాం. చివరకు మా పిల్లలు కూడా రంగంలోకి దిగారు. అందరికీ ఫోన్లు చేసి కాంపెయిన్ నిర్వహించారు అని జీవిత గుర్తు చేసుకున్నారు.

ఇకపై అలా జరుగదు

మూవీ ఆర్టిస్ట్ అసోసియేషన్ ఎన్నిక అనేది ఇప్పటి వరకు కేవలం పది మంది మధ్యలో జరిగిపోతోంది. అలా జరుగడం కాదు, ప్రతి మెంబర్ రావాలి, అందరూ ఓటింగులో పాల్గొనాలనే ఉద్దేశ్యంతో నేను వచ్చాను. అది జరుగడం లేదు, ఇది జరుగడం లేదు అనడం కాదు. ఓటు వేసి ఒక స్ట్రాంగ్ ప్యానెల్ గెలిపించుకుంటేనే అన్నీ సక్రమంగా జరుగుతాయని ప్రచారం చేశాం. ఓటింగ్ శాతం కూడా పెరిగింది. మాపై నమ్మకం ఉంచి, మమ్మల్ని గెలిపించిన అందరికీ శిరస్సు వంచి నమస్కరిస్తున్నాం.

పెద్ద పెద్ద స్టార్లు అందరినీ టచ్ చేశాం

చాలా మంది మీడియా వారు, నా ఫ్రెండ్స్ ‘మూవీ ఆర్టిస్ట్ అసోసియేషన్' అంటే చిన్న స్టార్లే ఉంటారా? పెద్ద హీరోలు కనపడరు ఏంటి? అన్నారు. ఈ సారి చిరంజీవిగారు, బాలకృష్ణ గారు, వెంకటేష్ గారు, మోహన్ బాబుగారు, మహేష్ బాబు అందరినీ కలిశాం. జూ ఎన్టీఆర్, ప్రభాస్ ఇలా అందరినీ టచ్ చేశాం. ప్రతి ఒక్కరూ ‘మా' కోసం పని చేస్తామని ప్రామిస్ చేశారు. మంచి ప్లానింగ్ చేయండి మీ వెనక మేము ఉండి నడిపిస్తాం అని చిరంజీవిగారితో పాటు అందరూ ప్రామిస్ చేశారు.

‘మా'ను ఆదర్శంగా తయారు చేస్తాం

‘మా'లో టాప్ నుంచి బాటమ్ వరకు అందరికీ సమానమైన ప్రధాన్యత ఉంటుంది. ప్రతి 3 నెలలకు ఒకసారి జనరల్ బాడీ మీటింగ్ పెట్టి అందరం కలుస్తాం. సమిష్టిగా నిర్ణయాలు తీసుకుని ముందుకు వెళతాం. మూవీ ఆర్టిస్ట్ అసోసియేషన్ ఎంత బావుంది, వారి నుంచి మేము నేర్చుకోవాలి అని పక్క ఇండస్ట్రీ వారు అనే విధంగా తయారు చేస్తామని జీవిత తెలిపారు.