Don't Miss!
- Sports RR vs DC: అందుకే పృథ్వీ షాను తీసుకోలేదు: రిషభ్ పంత్
- News హీరోయిన్ నిధి అగర్వాల్ చేతుల మీదగా గ్రాండ్గా రీలాంచ్ అయిన CMR షాపింగ్ మాల్
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
ఆటో డ్రైవర్గా కనిపించబోతున్న సాయి పల్లవి
'ఫిదా' సినిమాతో తెలుగు ప్రేక్షకుల ఫేవరెట్ హీరోయిన్గా మారిన సాయి పల్లవి.... ప్రస్తుతం తెలుగు, తమిళం, మలయాళంలో వరుస అవకాశాలు దక్కించుకుంటూ దూసుకెళుతోంది. తమిళంలో సాయి పల్లవి, ధనుష్ జంటగా తెరకెక్కుతున్న 'మారి-2'. ఈ చిత్రంలో సాయి పల్లవి పాత్ర గురించి ఆసక్తికర కథనాలు వినిపిస్తున్నాయి. ఇందులో ఆమె ఆటో డ్రైవర్ పాత్రలో కనిపించబోతోందట.
ఇందుకోసం ఆటో నడపటంలో స్పెషల్ ట్రైనింగ్ కూడా తీసుకుందట. మలయాళ హిట్ చిత్రం ప్రేమమ్ తర్వాత పాపులర్ అయిన ఈ తమిళ బ్యూటీ విభిన్నమైన పాత్రలు, సెలెక్టెడ్ మూవీస్ ఎంచుకుంటూ కెరీర్ పరంగా దూసుకెళుతోంది.
'మారి-2' చిత్రాన్ని ధనుష్ తన సొంత బేనర్ వండర్ బార్ ఫిల్మ్స్ పతాకంపై నిర్మిస్తున్నారు. మలయాళం యాక్టర్ టోవినో థామస్ మెయిన్ విలన్ పాత్ర పోషించబోతున్నట్లు సమాచారం. ఈ చిత్రంలో వరలక్ష్మి శరత్ కుమార్, రోబో శంకర్, కృష్ణ తదితరులు ముఖ్యమైన పాత్రలు పోషిస్తున్నారు.
ఈ చిత్రానికి యువన్ శంకర్ రాజా సంగీతం అందిస్తున్నారు. 'మారి' గతంలో తెలుగులో కూడా మంచి విజయం సాధించింది. ఈ నేపథ్యంలో 'మారి-2' చిత్రాన్ని కూడా టాలీవుడ్ డబ్బింగ్ వెర్షన్ విడుదల చేస్తారని టాక్.
ఈ సినిమాతో పాటు సాయి పల్లవి సూర్య హీరోగా తెరకెక్కుతున్న ఎంజీకె చిత్రంలో నటిస్తోంది. సెల్వరాఘవన్ దర్శకత్వం వహిస్తున్న ఈ చిత్రాన్ని డ్రీమ్ వారియర్ పిక్చర్స్ సంస్థ నిర్మిస్తోంది. తెలుగులో శర్వానంద్ సరసన 'పడి పడి లేచే మనసు' చిత్రం చేస్తోంది.