టీవీలో వచ్చేది నిజమైతే!?

By Staff

Published: Friday, February 27, 2009, 17:10 [IST]

మన జీవితంలో ఓ పార్ట్ గా మారిన టీవీ మననే కంట్రోలు చేయటం ప్రారంభిస్తే...బుల్లి తెరపై కనపడే సంఘటనలు అన్నీ నిజంగా జరిగిపోతే..అదే మా కాన్సెప్ట్ అంటున్నారు ధర్టీన్ బి 13b సినిమా దర్శక, నిర్మాతలు. 13b ఏ హర్రర్ ఫిల్మ్. మాధవన్, నీతూ చంద్ర, పూనం ధిల్లాన్, మురళి శర్మ వంటి వారు నటించిన ఈ చిత్రం మార్చి ఆరున రిలీజ్ కానుంది. ఫియర్ హేజ్ ఎ న్యూ ఎడ్రస్ అనే ట్యాగ్ లైన్ తో వస్తున్న ఈ చిత్రం గ్యారింటీగా భయపెడుతుందంటున్నారు.

ఈ చిత్ర కథ ఇలా మొదలవుతుంది. మనోహర్ (మాధవన్)ఓ మిడిల్ క్లాస్ మనిషి. రెంట్ సమస్యగా మారటంతో ఫ్యామిలీతో కలిసి ఓ కొత్త అపార్ట్ మెంట్ కి షిప్ట్ అవుతాడు.ఆ అపార్ట్ మెంట్ లో అతని ఫ్లాట్ నెంబర్ 13 B. పదమూడవ అంతస్తులో ఉండే ఈ ఫ్లాట్ ఆ ఫ్యామిలీకి బాగా నచ్చుతుంది. ఇల్లంతా సర్ధుకుని టీవీ ముందు కూర్చుంటారు. అందులో వస్తున్న ఫ్యామిలీ షో అచ్చం తమ ఫ్యామిలీలాగానే ఉంటుంది.

షో ముందుకు వెళ్తుంటే..మనోహర్ కుటుంబంలోనూ తెరపై జరిగేవే రిసెంబల్ అవుతూంటాయి. అది చూసి మొదట యధాలాపం అనుకుంటారు. కానీ టైమ్ గడుస్తూంటుంటే...కరెక్టుగా ఆ పోగ్రాంలో జరిగే విచిత్రమైన వన్నీ తమకూ కరెక్టుగా జరుగుతూంటాయి. ఇంతకీ ఇలా ఎందుకు జరుగుతుంది...టీవీకి ఆ ఫ్యామిలీకి ఉన్న సంభంధం ఏమిటన్నది తెరపై చూస్తేనే అందమంటున్నారు.

More from Filmibeat