బిగ్ బాస్‌పై మాధవీలత సంచలనం.. ఆఫర్ ఆశ చూపి వాడుకోవాలని, ఫోన్ చేసి అడిగేశాడు!

బిగ్ బాస్‌లో కూడా కాస్టింగ్ కౌచ్

తాజాగా ఓ ఇంటర్వ్యూలో మాధవిలత మాట్లాడుతూ బిగ్ బాస్ లో కూడా కాస్టింగ్ కౌచ్ ఉందని తెలిపింది. సినిమా పరిశ్రమకు సంబందించిన ఏ విషయంలో అయినా కాస్టింగ్ కౌచ్ ఉంటుందని మాధవీలత వ్యాఖ్యానించింది.

ఫోన్ చేసి అడిగేశాడు

బిగ్ బాస్ కంటెస్టెంట్స్ సెలక్షన్ కమిటీలో కీలక వ్యక్తి తనకు ఫోన్ చేశాడని మాధవీలత తెలిపింది. అతడు ఫోన్ చేసి బిగ్ బాస్ లో అవకాశం ఉందని చెప్పాడు. మీకు ఒకే అయితే మనం ఎంజాయ్ చేద్దాం అని అడిగేసినట్లు మాధవీలత తెలిపింది. అతడి ఉద్దేశం తెలియడంతో తాను బిగ్ బాస్ కు వెళ్లలేదని మాధవీలత తెలిపింది.

దాదాపు 20 నిమిషాలు

అతడు ఫోన్ చేసి దాదాపు 20 నిమిషాలు మాట్లాడాడని మాధవీలత తెలిపింది. ఈ సారి బిగ్ బాస్ లో మంచి మసాలా యాడ్ చేస్తున్నాం. ఇష్టమైతే ఎక్స్ ఫోజింగ్ చేసేలా దుస్తులు వేసుకోవచ్చు అని ఫోన్ లో చెప్పాడు.

సింగిల్‌గా ఉన్నావు కదా

నేను కాస్టింగ్ కౌచ్ కు వ్యతిరేకంగా పోరాటం చేశా. ఎవరికీ ఫోన్ చేసి ఏవిషయం అడుగుతున్నావు అని అడిగా. దానికి అతడు ఇచ్చిన సమాధానం.. ఇది కాస్టింగ్ కౌచ్ కాదు మాధవి, కానీ నువ్వు సింగిల్ గా ఉన్నావు.. నీకు కూడా ఫీలింగ్స్ ఉంటాయి అని అడిగాడు.

అమ్మాయిలే ఫోన్ చేసి

బిగ్ బాస్ కూడా కాస్టింగ్ కౌచ్ కు అతీతం కాదని మాధవీలత తెలిపింది. చాలా మంది అమ్మాయిలే ఫోన్ చేసి మేము రెడీ అని చెబుతున్నట్లు తనకు తెలిసిందని తెలిపింది. అవకాశాల కోసం అమ్మాయిలు ఆశపడతారని కాబట్టి వారిని తాను తప్పు బట్టనని మాధవీలత తెలిపింది.