ఇంతా చేస్తే ఆ సినిమాలో హీరో ఎలుకా

By Staff

Published: Friday, March 13, 2026, 5:51 [IST]

షాడో నవలలు చదివిన వారికి వాటి సృష్టి కర్త మధుబాబు సుపరిచితమే. ఆయన ప్రస్తుతం తన అధ్యాపక వృత్తి నుండి రిటైర్ అయ్యారు. దాంతో ఆయన సినీ రంగ ప్రవేశం చేసి సినిమాలకు కథలు అందించాలని ప్రయత్నిస్తున్నారని సమాచారం. అందునా ఆ పూరీ మధ్య బుజ్జిగాడు మేడిన్ చెన్నై సినిమాకు కథ అందిస్తున్నారని రూమర్స్ వచ్చాయి. అయితే ఇప్పుడు ఆయన ఓ స్క్రిప్టు రెడీ చేస్తున్నారని తెలియగానే అందరిలో సహజంగానే ఆసక్తి రేగింది. షాడో నవలల్లో హీరోని ఓ రేంజిలో చూపే ఆయన ఎవరికి కథ అందిస్తున్నారని కొద్దిపాటి చర్చ రేగింది. అయితే చిత్రంగా అసలు విషయం తెల్సిన వారు షాక్ అయ్యారు.

ఇంతకీ ఆ మేటరేంటంటే ఆయన కథలో హీరో ఎలుకట. మూషి అనే పేరుతో తయారవుతున్న ఓ యానిమేషన్ సినిమాకు స్క్రిప్టు అందిస్తున్నారట ఆయన . మూషి అంటే ఎలుక .మెర్కూరీ ఎంటర్ టైన్ మెంట్స్ వారు ఈ యానిమేషన్ చిత్రాన్ని అందిచనున్నారు. హిందీ లో రూపొందనున్న ఈ చిత్రాన్ని తెలుగులోనూ డబ్బింగ్ చేసి రిలీజు చేస్తారుట. పిల్లలను ఆకట్టుకునేందకు ఈ ప్రయత్నమని తెలుస్తోంది. మంచిదే హీరోలకు కథలు తయారు చేసేవాళ్ళు కృష్ణానగర్ నిండా ఉన్నారు. అయితే పిల్లలకు ఇలాంటి సీనియర్స్ అయినా కథలు ఇచ్చి వారి మానసిక వికాసానికి తోర్పడితే అంతకు మించి కావల్సిందేముంది అనేది చాలామంది కోరిక.

More from Filmibeat