నిర్మాతలను, డైరెక్టర్లను ఇబ్బంది పెట్టావ్... ప్రకాష్ రాజ్ ఏంది నీ గోల?

150 అన్నారు... ఏమైంది?

`ప్రియ‌మైన ప్రధాన‌మంత్రిగారూ.. విజ‌యం సాధించినందుకు అభినంద‌న‌లు. కానీ మీరు ఈ ఫలితంతో సంతోషంగా ఉన్నారా? 150 ప్ల‌స్ సీట్లు సాధిస్తామ‌న్నారు క‌దా.. ఏమైంది? ఒక‌సారి పునరాలోచన చేసుకోండి. స‌మ‌స్య‌లు ఎక్క‌డున్నాయో తెలుసుకోండి. విభ‌జ‌న రాజ‌కీయాలు ప‌నిచేయ‌లేదు. గ్రామీణుల‌ను, పేద‌ల‌ను, రైతుల‌ను నిర్ల‌క్ష్యం చేశారు. వారి గొంతు బిగ్గ‌ర‌గా వినిపిస్తోంది.. మీరు వింటున్నారా` అని ప్ర‌కాశ్ రాజ్ ట్వీట్ చేశారు.

ప్రకాష్ రాజ్ మీద మండి పడ్డ మధుర శ్రీధర్ రెడ్డి

ప్రకాష్ రాజ్ ట్వీట్ నేపథ్యంలో..... టాలీవుడ్ నిర్మాత, దర్శకుడు మధుర శ్రీధర్ రెడ్డి స్పందించారు. ప్రకాష్ రాజ్ తీరుపై మండి పడుతూ ఓ ట్వీట్ చేశారు.

ప్రకాష్ రాజ్ ఏంది నీ గోల?

‘ప్రకాష్ రాజ్... అసలు నీ గోల ఏంటో అర్థం కావడం లేదు. నీ అహంకారంతో ఎంతో మంది నిర్మాతలు, డైరెక్టర్లను ఇబ్బంది పెట్టావు కదా. నువ్వు సంతోషంగా ఉన్నావా?' అంటూ మధుర శ్రీధర్ రెడ్డి ఫైర్ అయ్యారు.

పబ్లిసిటీ కోసం ట్రై చేయకు

కేవలం హెడ్ లైన్లలో నిలవాలని ప్రయత్నించకు. నువ్వు ముందు నిజాయితీగా పని చేయ్. నువ్వు ఒక లీడర్ అనే అభిప్రాయం మాలో కలిగించు, ఆ తర్వాత ఎదుటివారి మీద కామెంట్ చెయ్. నీ వ్యాఖ్యలను మేము సీరియస్ గా తీసుకుంటాం' అంటూ శ్రీధర్ ట్వీట్ చేశారు.