అల్లు అరవింద్'గజని'కి బ్రేక్

By Staff

Published: Wednesday, December 24, 2008, 10:53 [IST]

అమీర్‌ఖాన్‌ హీరోగా గీతా ఆర్ట్స్‌ పతాకంపై అల్లు అరవింద్‌ హిందీలో నిర్మించిన 'గజని' చిత్రం విడుదలపై మద్రాసు హైకోర్టు స్టే విధించింది.అయితే రీమేక్‌, అనువాద హక్కులను పొందకుండానే ఈ సినిమాను హిందీలో నిర్మించారంటూ తమిళ నిర్మాత ఏ.చంద్రశేఖర్‌ దాఖలు చేసిన పిటిషన్‌పై హైకోర్టు స్పందించింది. చంద్రశేఖర్‌ తన పిటిషన్‌లో తమిళంలో వచ్చిన గజిని చెన్నై పంపిణీ హక్కులు, తెలుగు పునర్నిర్మాణ హక్కులు, శాటిలైట్‌ ఛానెల్‌ హక్కులు తప్ప చిత్రం కథ, డబ్బింగ్‌పై తనకే పూర్తి అధికారం ఉందని తెలిపారు. రీమేక్‌ హక్కులు లేకుండా నిర్మించిన హిందీ 'గజని'ని విడుదల చేయకూడదంటూ న్యాయమూర్తి పీఆర్‌ శివకుమార్‌ ఉత్తర్వులు జారీ చేశారు.

దీంతో ఆ చిత్ర వర్గాలు ద్రిగ్భాంతి చెందాయి. గీతా ఆర్ట్స్‌ అప్పీలు మేరకు ఈ కేసుపై బుధవారం మళ్లీ విచారణ జరుగనుంది. మరోవైపు ముంబైలో కేబీసీ పిక్చర్స్‌ సంస్థ ఈ సినిమా స్టోరీ, స్క్రీన్‌ప్లేల కాపీరైట్‌ను తాము సొంతం చేసుకున్నామంటూ గీతాఆర్ట్స్‌పై బాంబే హైకోర్టులో సోమవారం పిటిషన్‌ దాఖలు చేసింది. ఇది బుధవారం విచారణకు రానుంది.

మునుపెన్నడూ లేని విధంగా భారీ స్థాయిలో మార్కెట్‌ జరిగిన అమీర్‌ఖాన్‌ తొలి చిత్రమిదని సినీ వర్గాల కథనం. డ్రిస్టిబ్యూషన్‌ హక్కులను బాలీవుడ్‌కు చెందిన ఎరోస్‌ సంస్థ సొంతం చేసుకుంది. ఇది తమిళంలో సూర్య కథానాయకుడిగా విడుదలైన 'గజని' రీమేక్‌ వర్షన్‌. మురుగదాస్‌ దర్శకత్వంలో భారీ బడ్జెట్‌తో రూపుదిద్దుకున్న గజనీ చిత్రం క్రిస్మస్‌ రోజున ప్రపంచ వ్యాప్తంగా విడుదల కావాల్సి వుంది. ఇక ఈ గజనీ చిత్రం హాలీవుడ్ చిత్రం 'మొమెంటో' నుంచి ప్రేరణ పొందినది అన్న సంగతి తెలిసిందే.

More from Filmibeat