'మగధీర'పై ఓ కొత్త డౌట్

By Staff

Published: Tuesday, March 31, 2009, 17:27 [IST]

రాజమౌళి, రామచరణ్ తేజ కాంబినేషన్ లో రెడీ అవుతున్న మగధీర చిత్రం బడ్జెట్ దాదాపు ముఫ్ఫై ఎనిమిది కోట్లు దాకా అయిందని అంతటా వినిపిస్తోంది. నిజానికి మన తెలుగు సినిమాకి అంత భారీ స్ధాయిలో మార్కెట్ లేకపోవటంతో అంతా ఆలోచనలో పడుతున్నారు. అయితే అల్లు అరవింద్ సామాన్యుడు కాదని గజనీకి ఓ రేంజిలో ఖర్చుపెట్టి భారీగా సంపాదించాడని దీనికీ అలాంటి మ్యాజిక్ జరగవచ్చుననే ఆశాభావం చాలా మంది వ్యక్తం చేస్తున్నారు. ఇక ఈ చిత్రం పునర్జన్మల చుట్టూ తిరుగుతుంది. నాలుగు వందల ఏళ్ళ క్రిందట ప్రారంభమయ్యే కథతో ఈ చిత్రం సోషియో ఫాంటిసీగా కథనం కదం తొక్కుతుంది.

ఇప్పటికే యూ ట్యూబ్ ద్వారా కొన్ని లీక్ అయిన విజువల్స్ అందరిలో ఆసక్తి రేపుతున్నాయి. టైటిల్ కూడా పాజిటివ్ రెస్పాన్స్ తెచ్చుకుంది. అయితే రామ్ చరణ్ పుట్టినరోజు మార్చి ఇరవై ఏడున ఈ చిత్రం రిలీజుకు మొదట ప్లాన్ చేసారు. కానీ దాన్ని ఇప్పుడు మార్చారు. దాంతో చిత్ర యూనిట్ సభ్యులు సైతం ఈ చిత్రం ఎప్పుడు రిలీజ్ అవుతుందా అంచనా వేయలేకున్నారు. ఇవన్నీ ఎలా విజయం పై ఎవరికీ సందేహం లేదు. ఉన్న అనుమానం అంతా ఈ రేంజి ఖర్చుని తిరిగి రాబట్టాలంటే ఎంత కాలం సినిమా ఆడాలన్న విషయం పైనే.

More from Filmibeat