రామ్ చరణ్ నిజంగా మగధీరుడే!!

By Staff

Published: Wednesday, February 11, 2009, 11:11 [IST]

రామచరణ్ తేజ, రాజమౌళి కాంబినేషన్ లో రెడీ అవుతున్న మగధీర చిత్రం తమిళ,మళయాళ భాషల్లో కూడా ఒకే సారి రిలీజ్ చేయటానికి ప్లాన్ చేస్తున్నట్లు సమాచారం. ఈ వేసవికి ఒకేసారి ఈ మూడు భాషల్లో భారీ ఎత్తున రిలీజ్ చేస్తే కలక్షన్ల సునామీ సృష్టింస్తుందని గీతా ఆర్ట్స్ భావిస్తోంది. దాంతో ఎక్కడ విన్నా కొంతకాలం పాటు ఈ సినిమా గురించే చర్చ జరుగుతుంది. అణుగుణంగా మిగతా భాషలకు కూడా దీన్ని టార్గెట్ చేసి మార్కెట్ చేయవచ్చుననేది వీరి ఆలోచన అని ఈ విషయమై సీనియర్స్ విశ్లేషిస్తున్నారు. ఈ మధ్యనే హిందీ గజనీ విజయోత్సాహం వారిని ఈ సాహసానికి పురిగొల్పుతోందని చెప్తున్నారు.

దాంతో రెండో సినిమాకే ఆ రేంజి క్రెడిట్ సొంతం చేసుకున్న రామ్ చరణ్ నిజంగా మగధీరుడు అని అభిమానులు అంటున్నారు. ఇక ఈ సినిమాలో కాజల్, శ్రీహరి ప్రధాన పాత్రలు చేస్తున్నారు. ఎమ్.ఎమ్.కీరవాణి సంగీతం అందిస్తున్నారు. ప్రస్తుతం రామోజి ఫిలిం సిటీలో ఈ చిత్రం షూటింగ్ జరుపుకుంటోంది. మెగాస్టార్ చిరంజీవి ఈ చిత్రంలో తన కుమారుడుతో కలసి బంగారు కోడి పెట్ట పాటలో నర్తిస్తున్నారు. నాలుగు వందల ఏళ్ళ క్రిందట మొదలయ్యే ఈ కథ పునర్జన్మ నేపధ్యాన్ని కలుపుకుని ఈ కాలంతో ముగుస్తుంది. యాక్షన్ ఎపిసోడ్లతో కలిగిన ప్రేమ కథగా ఈ చిత్రం గురించి యూనిట్ సభ్యులు చెప్తున్నారు. బెస్టాఫ్ లక్ మగధీర.

More from Filmibeat