పవన్ కళ్యాణ్ కంటే... మహేష్ బాబే బిగ్ స్టార్!?

హైదరాబాద్: వివాదాస్పద దర్శకుడు రామ్ గోపాల్ వర్మ టాలీవుడ్ లో మోస్ట్ కాంట్రవర్సల్ అంశాన్ని లేవనెత్తారు. గత కొంత కాలంగా తెలుగు సినీ పరిశ్రమలో నెం.1 ఎవరనే చర్చ సాగుతున్నసంగతి తెలిసిందే. టాలీవుడ్ టాప్ స్టార్స్ పవన్ కళ్యాణ్, మహేష్ బాబు మధ్య ఈ విషయంలో తీవ్రమైన పోటీ నెలకొంది.

ఈ అంశంపై రామ్ గోపాల్ వర్మ నిన్న రాత్రి ట్విట్టర్ ద్వారా ఎవరు పెద్ద స్టార్ అనే విషయమై కామెంట్స్ చేసారు. ఈ ఇద్దరు స్టార్ హీరోలకు ఉన్న ట్విట్టర్ ఫాలోవర్స్ ఆధారంగా రామ్ గోపాల్ వర్మ స్పందిస్తూ... పవన్ కళ్యాణ్ కంటే మహేష్ బాబే పెద్ద స్టారా? అంటూ సందేహం వ్యక్తం చేసారు.

పవన్ కళ్యాణ్ తన ట్విట్టర్ అకౌంట్లో కేవలం 6 లక్షల మంది ఫాలోవర్స్ మాత్రమే కలిగి ఉన్నారు. కానీ మహేష్ బాబుకు 15 లక్షలకు పైగా ఫాలోవర్స్ ఉన్నారు. ఎందుకు ఇలా...? పవన్ కళ్యాణ్ ప్యాన్స్ అంతా చదువుకోని వారా? లేక టెక్నికల్ జ్ఞానం లేనివారా? అంటూ వర్మ కామెంట్ చేసారు.