మహేష్ ప్రచారానికి రావాలంటే..

By Staff

| Published: Wednesday, April 15, 2009, 15:41 [IST]

ప్రిన్స్ మహేష్..కాంగ్రెస్ పార్టీ తరుపున ప్రచారానికి వస్తాడా..రాడా అన్న సందేహం ఇన్నాళ్ళుగా నలిగింది. అయితే మహేష్ రాడన విషయం స్పష్టంగా తేలిపోయింది. మహేష్ ప్రచారానికి రావాలంటే..ముఖ్యమంత్రి వైఎస్‌ రాజశేఖరరెడ్డి కోరాలని...ఆయన అడిగితే తప్పనిసరిగా ప్రచారానికి వస్తారని పీసీసీ ప్రధాన కార్యదర్శి, సినీనటుడు కృష్ణ సోదరుడు ఆదిశేషగిరిరావు తెలిపారు. అయితే కాంగ్రెస్‌ పార్టీ బలంగా వుండటం వలన ఆ అవసరం లేదని అనుకుంటున్నానని చెప్పారు. రాజమండ్రిలో ఆయన మీడీయా ప్రతినిధులతో మాట్లాడుతూ ముఖ్యమంత్రి వైఎస్‌ రాజశేఖరరెడ్డి నేతృత్వంలో కాంగ్రెస్‌ పార్టీ రాష్ట్రాన్ని అన్నివిధాలా అభివృద్ధి చేసిందని చెప్పుకొచ్చారు.

అలాగే బహుళార్థ సాధకమైన పోలవరం ప్రాజెక్టును ప్రారంభించిన ఘనత వైఎస్‌ దేనన్నారు. పోలవరం పూర్తయితే వైఎస్‌ పేరు కాటన్‌లా చరిత్రలో నిలిచిపోతుందన్నారు. పోలవరం వద్దంటున్న సీపీఎం, టీఆర్‌ఎస్‌లతో తెలుగుదేశం పార్టీ ఎలా జతకట్టిందని ప్రశ్నించారు. టీడీపీ పోలవరానికి అనుకూలమా?వ్యతిరేకమా? అని పశ్నించారు. ఏదైతేనేం మొత్తానికి మహేష్ ప్రచారానికి రాడని కన్ఫర్మ్ చేసారు. ప్రస్తుతం మహేష్ బాబు త్రివిక్రమ్ దర్శకత్వంలో వరుడు చిత్రం షూటింగ్ లో పాల్గొంటున్నారు.